住厭市區搬入西貢好後悔 返工塞足1小時出彩虹 街坊:慘過屯門
陽光海灘,遠離煩囂,可能是大眾對西貢的印象,走在市中心街頭都有度假的感覺。不過有街坊則發文訴苦,直指後悔搬入西貢,不但假日多人,塞車更是每日返工的常態,試過塞足1小時才到達彩虹,令樓主感到困擾。
該居民在香港討論區以「好後悔搬咗入西貢住」為題發文,稱去年因住厭市區,朋友推薦「西貢幾好住」,而且自己又會駕車,認為可解決交通不方便的問題,因而搬入西貢市中心居住。樓主指市中心的確方便,有超市和餐廳,跟市區分別不大,但假期則較多遊人。
▼今年勞動節下西貢情況▼
不過,樓主表示最大問題是返工時間遇上車禍或塞車,初時會經大圍出市區,「反正都係自己揸車」,惟西沙公路正做擴闊工程,很多泥頭車出出入入,大家見到只好慢駛,「所以基本上都係半塞半行咁,一唔小心又炒車,又塞」。他其後轉行西貢公路出南圍入彩虹,不料更易塞車,試過「塞死喺條路唔多成個鐘先出到去」。
樓主不禁慨嘆「住西貢真係唔好貪方便」,奉勸不要住在市中心,「寧願住喺西貢頭尾啲村屋好過」。
帖文引起同樣住在西貢的網民共鳴,直言返工放工都要塞西貢公路,慘過屯門出市區,又指「住西貢返工就預咗塞」,而且假日交通同樣繁忙,「真係唔使諗出門及返屋企」,除了享受退休生活,搬入西貢市中心確實不智。不過亦有人認為西貢環境舒適,放假在海邊喝茶,到碼頭買海鮮,「有好有唔好,視乎怎取捨」。
網民點評住西貢好唔好▼▼▼
有網民早前表示,最近有朋友搬屋,本以為他搬大屋方便上班,未料對方只打算在港島租住單人小套房。樓主困惑地指,朋友的家人居於新界西豪宅,也有另1個單位出租,他大可收回單位自住或與家人同住,惟友人後來解釋租屋的原因▼▼▼
上班地點絕對可以影響對工作的滿意度!有曾經在多區工作過的網民在討論區上分享,指經他個人嚴選後,「我發現荔枝角返工最舒服」,並且列出5大原因!
同場加映:網民嚴選最地獄返工地點 數碼港機場非最慘 有一區獲壓倒性認同【點擊下圖放大即睇內容 ▼ ▼ ▼】
對於大西北居民來說,每朝返工都充滿血淚,特別遇上屯門公路塞車狀況,難免令人絕望。有屯門人曾發起「一人一個改善屯公塞車方法」,大家都發揮創意踴躍獻計▼▼▼
同場加映:網民1人N個住天水圍另類好處 遲到有藉口 冇外區人迫爆