衛蘭唱太多「K歌」唔想再唱《大哥》:呢個世界唔係只有慘情歌!

撰文:
最後更新日期:

衛蘭(Janice)今日(18日)到商台宣傳新歌《低半度》,她透露歌詞主要帶出放慢腳步、用輕鬆心態過生活的意思,希望能同時透過這首歌把正能量帶給每位抗疫中的香港人:「我聽呢首歌嘅時候覺得放低哂所有煩惱,所以希望大家聽到呢首歌嘅時候都可以感受到。」

衛蘭希望透過歌曲把正能量帶給每位樂迷。(葉志明攝)

Janice近年推出的歌曲都有別於過往曲風,轉走節奏輕快的爵士樂風。但有樂迷擔心爵士樂在香港樂壇較為小眾,Janice的音樂可能未必能成為hit歌,她坦言自己很樂意繼續探索新音樂:「我好想話畀大家知,呢個世界有好多種唔同類型嘅音樂,唔係淨係得慘情歌,大家可能唔係好識欣賞。」

Janice當年將《大哥》、《心亂如麻》、《離家出走》等歌曲唱到街知巷聞,她的歌曲亦因此成為不少香港人心中的「K歌」,但卻因為這樣令Janice決意想改變音樂風格:「我覺得好好聽呀,當然我覺得K歌有佢好嘅位,但我唱得太多喇,我想探索更多唔同類型嘅嘢,咁作為一個歌手先至有成長。」Janice坦言,雖然自己有很多備受樂迷喜愛的代表作,不過亦難免有唱厭的時候:「其實好多歌我都唔想再唱,例如《大哥》嗰啲......但我做show嘅時候成日都提醒自己,可能有好多觀眾係未有機會聽過我唱嗰啲歌嘅live,所以每一次都會俾出最好嘅嘢。」

衛蘭坦言想成為一個有成長的歌手。(葉志明攝)

衛蘭於18歲與黎明創立的A Music簽約,之後火速被力捧並推出多首人氣歌曲,直到2015年約滿離開並加盟華納唱片。有人說:「與A Music時期的衛蘭相比,華納時期的衛蘭才是真正的Janice。」她笑言:「我好感恩A Music同Leon(黎明)幫咗我好多,但係而家係會有多啲機會展示自己嘅嘢出嚟。(有冇諗過將舊歌以全新嘅演繹方法再推出?)暫時未有呢個諗法,對於我嚟講,而家最重要嘅係探索新音樂。」

點擊觀看更多衛蘭的照片:



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。