勁歌金曲|張敬軒感慨歌手共聚感覺久違:終於都有個新開始

撰文:
最後更新日期:

曾志偉回巢無綫(TVB)擔任副總經理後積極改革綜藝、音樂節目,周二(6日)《勁歌金曲》在改版後首次舉行錄影,三大唱片公司亦有派員出席,場面星光熠熠。張敬軒坦言有種樂壇頒獎禮的感覺:「好耐都冇見過唱片公司嘅工作人員,唔單止係疫情嘅關係,呢幾年冇見到有咁多間唔同嘅唱片公司;尤其是我自己係四大(環球)出身,喺TVB重新見返佢哋嘅藝人我覺得好好,終於都有個新開始,久違咗嘅氣氛,希望製作團隊比多啲機會我哋同新一代嘅歌手去宣傳自己。」

張敬軒透露製作組嘗試在節目投放新元素:「的確同以前嘅《勁歌金曲》好唔同,始終時代唔同咗,我哋每一個人都要與時並進。」(陳順禎攝)

近日《俏郎君》奪下五台冠軍的佳績,是日他就首次演出同在專輯《The Brightest Darkness》中的《Sweet Escape》:「今年都會繼續派呢張專輯裏面嘅歌,希望大家多啲了解呢張唱片。」最新唱片中的17首歌曲風多樣,《Sweet Escape》又與《俏郎君》的風格截然不同,問起是否想改變一下曲風,張敬軒笑言:「其實我早期喺香港發展都係以R&B為主,但係始終每一個時期有每一個時期嘅Trend,當佢冇呢個風氣嘅時候,自己一個人做又冇乜癮,呢幾年世界上又多咗用R&B同Hiphop做元素,不過廣東歌要將啲音扭來扭去又有啲難度,但我自己都係鍾意R&B。」

香港樂壇人才濟濟,張敬軒表示大家久違聚首一堂,有種樂壇頒獎禮的感覺:「尤其是我自己係四大出身,喺TVB重新見返佢哋嘅藝人我覺得好好,終於都有個新開始。」(陳順禎攝)

新版《勁歌金曲》現場更增設樂隊伴奏,問引起會否覺得形式上與ViuTV的《Chill Club》相似,張敬軒指:「唔同Band leader感覺已經唔同,Band leader玩Rock或者Jazz個Vibe都會好唔同,好嘅樂隊同音響第一個受益者一定係歌手,然後就係觀眾。」至於連續出席兩台音樂節目會否有比較,他就表示:「唔需要有比較,兩個台嘅歷史唔同、定位、受眾亦都唔同,反而作為歌手應該把握唔同平台,亦唔單只係電視台,都包括網絡同電台。」

估唔到隔住個口罩都有軒仔表情包:

張敬軒受前輩阮兆輝所邀,將於周三(7日)發布一個名為《魂遊記》的南音計劃,並由伍卓賢作曲、黃詠詩填詞兼編劇,一向深愛本土文化他說:「冇任何異心即刻就應承,作為流行歌手自己亦都應該成為一個橋樑,令年輕嘅朋友認識傳統藝術,可能00後都少聽我哋呢代啲歌,利用自己仲喺呢個行業做多啲。」他又解釋南音的獨特意義:「始祖未必由失明人士開始,但唱南音係好多失明人士賴以為生嘅表演,亦令南音更加普及;今日我分享完之後好多網友都話好鍾意粵曲、聽大戲,好多人都混淆咗其實南音唔係大戲,係屬於南粵地區嘅獨有曲藝。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。