蓮塘口岸將啟用  粉嶺撈撈麵小店憂被趕絕:唔想招牌同回憶冇咗

撰文:
最後更新日期:

蓮塘/香園圍口岸預計今年內開通,據悉位於粉嶺中心對出公園的粉嶺車站路,將設有巴士站連接口岸,當區居民擔心大批遊客會湧入社區,變成如上水、東涌的翻版。

有在粉嶺區經營了28年、主要售賣「撈撈冷麵」的小食店,擔心口岸啟用後社區將變天,小店難逃被逼結業的命運。該店店主說,店舖是該區學生的集體回憶,惟經營加租及時代變遷,最後粉嶺中心業主把它調到商場內不起眼的角落,但仍有不少舊客特意回來懷緬一番:「有人小學食到中學,甚至結婚生仔後,帶埋個仔返嚟幫襯。」

店主擔憂口岸通車後,業主會趁機再度加租,令小店百上加斤、難再經營下去:「已經唔係計較搵錢,小食不嬲唔算搵得多,唔想招牌同回憶冇咗。」

創業28年多次搬遷 現址在商場「最篤位」

現年26歲的羅先生,早年接手親友經營的小食店,售賣各種「撈撈冷麵」及零食。他說,小食店已在粉嶺區屹立28年,經歷多次搬遷後,最終落戶在粉嶺中心走廊最盡頭的舖位:「我哋本來係商場其他舖位,人流多啲,但後來有好多連鎖店入嚟,商場可能覺得我哋形象不符,要我哋搬入最篤篤嘅位。」

他說,昔日商場的小店已逐漸消失,聽聞就連文具店的月租亦達五萬元,「以前賣Game Boy遊戲嘅舖頭都冇咗!」他擔心,日後口岸開通、還有接駁巴直達商場之後,業主會以人流上升為由趁機加租,令做街坊生意的小店難以負擔。

現年26年的羅先生,早年接手親友經營的小食店。(王潔恩攝)

羅先生說,小食店經營多年,見證不少街坊成長,是該區居民學生年代的集體回憶:「有人小學食到中學,甚至結婚生仔後,帶埋個仔返嚟幫襯。」

小店多年依靠學生生意,坦言區內只剩下他們一家冷麵店,憂心口岸開通後「旺丁不旺財」,因遊客多數光顧藥房、金舖,他們這種街坊小食店難以受惠之餘,更要承受業主加租壓力:「已經唔係計較搵錢,小食不嬲唔算搵得多,唔想招牌同回憶冇咗。」

老闆說,金舖在粉嶺中心經營近30年,主要依靠街坊生意。(王潔恩攝)

30年歷史街坊金:做得幾耐得幾耐

至於在粉嶺中心經營近30年的金舖,同樣亦受加租壓力。老闆朱先生指出,他們一直依靠街坊生意,不少遊客主要在上水或市區購物,甚少到粉嶺「掃貨」。他又指,雖然口岸即將通車,但估計遊客主要會乘搭火車在羅湖過關,會相對便捷,而非乘坐巴士到粉嶺,故預料人流不會明顯增加。

他又指,過去30年來,業主只有一次減租,每次續約時都會上調租金。被問及會否擔心再被加租,他說:「擔心唔到咁多,做得幾耐得幾耐。」

↓內地客「隱世」打卡點 總有一處喺你屋企左近?↓

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。