價錢親民襯出簡約知性美? 精選5間本地高質女裝IG店|職場穿搭

撰文:vanna.com
出版:更新:

相信大家每日返工最煩惱的就是揀聽日着咩衫,希望每日襯到不重覆又着得靚,只可惜望住衣櫃總覺得冇衫襯,但實體店嘅衫又覺得太貴,今次介紹嘅5間百搭易襯、價錢親民的IG網店輕鬆幫你解決煩惱。

1. OhKoreabeauty - 甜美系女生之選

在奧海城和旺角都有實體店的ohkoreabeauty,好啱剛開始返工,走可愛斯文路線的女生們。奶油色系的衫褲顯隨意、活潑的個性,着起來輕盈飄逸,十分甜美~而且店主在大部分的post都有教埋你用咩鞋或者手袋襯,幫你慳埋朝早諗襯衫嘅時間!

+7

2. Mollys.hk - 主打灰藍冷色系

主打灰藍冷色系時裝的小眾IG網店,極具魅力,非常適合商務休閒的上班穿搭。店主好識運用牛仔材質嚟配西裝褸和微正式的純毛衣,適合形象幹練的女生,自帶點酷酷的氣場,一定唔會在街上同人撞款!

香港辦工室冷氣咁凍,厚滑的毛衣上身幫你保暖之餘仲帶點微性感,百搭必備的淨色款,返工放工都啱着!

+4

3. Jdiary - 穿出簡約知性

Jdiary的時裝主打近期好多韓劇女主上班穿搭的清新簡約風,舒適度高的質感單品都是走粉嫩色系,單是看着IG的相都讓人覺得幸福療癒。

各種純色嘅item配搭起來都是些成熟大方,亦出得大場面同老闆見客的時裝,是喜歡知性女性形象的女生必收藏的網店!

店主在是長駐韓國的女生,緊貼住最新的出品和潮流,幾乎每日都更新IG,除了推出新品之外,店主仲成日去好多好靚嘅cafe影穿搭,一邊買衫,一邊收集小眾韓國打卡點的情報,點可以錯過!

+8

4. Torio Store - 日系文青風

日系文青風的選擇,適合每日穿搭、帶點可愛,文藝的設計,每季新貨都有店員直播介紹新品的影片,比你更清楚360度見到衫的真面目。 Torio store最大的特色就是每件產品都有多款春日系顏色和剪裁選擇,比到好多創意配搭靈感大家!

而且在荃灣、旺角,荔枝角都有實體店,有興趣嘅朋友仲可以去實體店試哂先買!

+9

5. DwilApparels - 小個子女生福音

看起來溫柔又帶點俏皮感的Dwilapparels, 開網店不久已有成17.3k粉絲,主打韓國超顯氣質的雪紡絲質的衣品,高貴得來又毫不誇張,絕對是時尚番工穿搭的百科全書。多數襯衫都是淨色或者簡單的條紋格仔,放工換條牛仔褲又輕鬆變成另一個style,非常百搭。

而且店主非常有心,每件item都由身高156cm的店主親自試着,啱哂香港細細粒驚唔啱size嘅小女生。

Dwilapparels有郵寄優惠,滿5件就免運費,夾埋朋友仔一齊買仲可以慳錢,女生們千祈唔好錯過啦!

+9

【本文獲「vanna.com」授權轉載。】

相關文章:潮着爛牛仔褲影響專業形象? 4種時尚單品勿穿着上班|職場穿搭

+11

立即下載《香港01》,緊貼公務員職位空缺、勞工處筍工推介,了解CV、面試致勝技巧!下載網址:https://hk01.app.link/bkbJyY5t4O