張繼聰貼3歲女兒Kaka ball個人照 網民錯重點:咁大個仲食奶嘴!

撰文:
最後更新日期:

張繼聰是娛樂圈中出名的晒女狂魔,經常在Instagram貼出3歲囡囡Kaka Ball的照片。早前張繼聰上載一張囡囡的獨照,並留言表示囡囡話約咗人去公園而不陪自己,不過,一眾網民卻錯重點,紛紛留言表示:咁大個仲食奶!嘴張繼聰亦親身回覆網民留言,更與網友討論教仔女大法!

張繼聰上載了一張囡囡的側面照,留言:「今朝,你話約咗人去公園,唔得閒陪我睇PJ Masks」,雖然照片原意是想說囡囡大個女,不再每日陪伴自己,不過一眾網民卻錯重點,批評Kaka ball 已經3歲,不應該再食奶嘴。

為此,張繼聰親身回覆網民留言,有網民留言支持「小朋友未儲夠安全感咪食囉」,張繼聰則表示「大人有d嘢一世都戒唔到,無謂對啲小朋友太harsh 」,有網民反駁指,難道小朋友唔想戒尿片,家長又由得小朋友「成年後都著成人紙尿片返學返工嗎?」甚至批評這樣會導致小朋友變「怪獸兒童」。張繼聰則回應「朋友,奶嘴啫,唔需要咁嘅👍🏼教導小朋友唔係一件容易嘅事,做父母都係邊學邊做,而且每個家長都有唔同嘅方法,因為每個小朋友都係獨一無二❤️ 亦唔能夠一把尺套係唔同嘅事情上 。大家分享吓,peace 🤘🏼」。

張繼聰亦留言分享當初如何幫大仔戒奶嘴「我以前同個囝講,你放心食,食到幾多歲都得,不過將來有女朋友,你諗吓會唔會影響大家嘅感情😂😂😂 冇幾耐,就戒咗😂」有網民表示贊同,「唔洗太強迫(小朋友戒奶咀),有一刻自動會戒」

即睇更多張繼聰和囡囡的相片:

+15
+15
+15

言語治療師:長久帶來3大壞影響

言語治療師潘文瑋(May)指出,嬰幼兒的上顎在出生後仍未成形,需要靠平日嘴巴閉合時,舌頭頂着上顎,令上顎形成弧形。但假如經常有外物,例如手指或奶嘴,放在舌頭和上顎之間,便會影響上顎的發育,令弧度不夠「靚」,也可能會太拱。加上,外物時常放在舌面上,舌頭難以向上移動,令到舌頭整體的力度、活動能力也會較弱。

三大影響:牙齒、發音、咀嚼

孩子長期啜着手指或奶嘴,最顯而易見的影響就是牙齒生長不好,會出現哨牙,甚至上下兩排牙齒咬合也不夠緊密。

而牙齒的咬合,會影響語言的發音。她舉例說「S」音,需要牙齒咬實發出,但由於牙齒習慣有外物頂住,咬合不緊,小朋友日後或會在發「S」音時伸出舌頭,用來填補牙齒間的空隙,整套發音動作不美觀。

在咀嚼方面,因為孩子的舌頭移動得不好,不能好好地把食物分到左右的大牙上,要靠下巴幫忙,令孩子吃東西時,咀嚼的模樣像是羊一樣:不能合上嘴巴咀嚼,而且下巴需要左右移動。吞嚥時,或者還需要舌頭先伸出來,才能把食物推入喉嚨,如此進一步令前排牙齒向外哨。

May提醒,有時家長疑惑孩子說話或咀嚼時有些怪異行為,都是因為他們用其他方法去補償舌頭能力上的不足。而戒掉啜手指和奶嘴的時機,最好是在1歲之前。

用一個蜜糖圈圈做訓練

如果小時候沒有適時戒掉壞習慣,錯誤的發音和咀嚼動作一旦形成了,日後就要花更多的時間訓練相關的肌肉力度,改善動作。May建議2個簡單小訓練給小朋友,希望逐步令他們甩掉錯動作。

1.用舌尖頂住蜜糖圈圈,下巴上下郁動,訓練舌頭和下巴分開移動。

2.用舌心頂住蜜糖圈,吞一口口水,訓練吞嚥時,舌頭不再向前伸出。

相關文章:【留家抗疫】陳柏宇與女兒客廳打羽毛球 張柏芝兒子私家泳池游水

陳柏宇客廳打羽毛球

+19
+19
+19

黃伊汶家中設兩層滑梯

+8
+8
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。