冬至轉冷│穿保暖內衣包到隻糭咁就暖?醫生:或會令皮膚出現敏感

撰文:鄧煥儀
出版:更新:

本港氣溫下周急劇轉冷,天文台於16日調低氣溫預測,周日(20日)及周一冬至(21日)最低12度,或成入冬以來最低紀錄。為了保暖,不少家長會為孩子穿上保暖內衣,再添上外衣。把孩子「包到隻粽咁」便是最穩陣?兒科醫生表示,為孩子添加過多外衣,令體溫過高,或會促成皮膚敏感。

按圖即睇穿著保暖內衣注意事項:

+2

汗水侷促致皮膚敏感

兒科醫生陳欣永表示,相比以往的羊毛內衣,現時市面流行的貼身保暖內衣質地較好,沒那麼粗糙及侷促。「以前年代啲羊毛底衫質地比較『鞋身』,好多時都幾焗。小朋友出汗醃住,加上磨擦,底衫邊位、頸位容易多見皮膚敏感。」

惟家長要留意,穿太多外衣也會對皮膚造成刺激。「家長好多時緊張小朋友凍,除咗保暖內衣,會再加衫。室內溫度唔算凍,加埋夜晚蓋棉被,裡面真係會侷到出晒汗。好多小朋友因為啲汗焗住,搞到皮膚好刺激,成身生熱痱,好似濕疹咁。」

+3

家長要主動做1件事

陳醫生提醒,家長要主動定時檢查孩子的皮膚,看看體溫會否過熱。「要主動check(檢查)下佢個身,如果流咗好多汗,代表體溫較熱,就唔好著咁多衫。有啲誇張得好緊要,可能連個頭都出晒汗。」他補充,孩子可24小時穿著保暖內衣,惟要注意定時清洗,保持衛生。

若孩子出現出現皮膚敏感,陳醫生指,家長為孩子清潔完身體,用毛巾印乾皮膚後,宜塗上保濕潤膚霜。如泛紅情況持續,建議及早求醫。

相關文章:冬天保暖|保暖產品未必適合幼兒使用 醫生:太熱太乾會誘發濕疹

按圖即睇兒童保暖要點:

+1
發表評論...