曾歷校園欺凌自資出書談情緒健康 譚芷昀Celine:無需迎合他人

撰文:鄧煥儀
出版:更新:

「小巨肺」譚芷昀(Celine)當年以9歲之齡參與美國真人騷《全美一叮》而一鳴驚人,原來除了音樂,文字創作亦是她的另一興趣。近日她以零用錢自資出版繪本,探討情緒健康,又分享曾親歷校園欺凌,希望藉故事鼓勵正身處低潮的孩子,「唔需要迎合他人期望,愛自己、做自己就得!」
攝影:黃寶瑩

+2

創作靈感來自粉絲

現年13歲的譚芷昀因於2017年參與《全美一叮》,並殺入準決賽而為人認識,更有「香港小巨肺」之稱。她分享,10歲的時候開始對文字創作有興趣,並嘗試撰寫小說。「靈感多數來自真實故事、自己嘅體驗,或者啲fans同我分享嘅經歷。」

近年譚芷昀不時在網上發佈歌曲,社交平台亦擁超過69萬粉絲。她分享,粉絲們不時會向她分享日常。「會提到生活遇到嘅困難,或者學校嘅嘢令到佢哋好大壓力。有個好深刻嘅係佢原本係跳舞嘅,但大壓力到想放棄。」

🔼🔼🔼🔼本地女足陳頌文(Karri)近日於英國試腳成功,將加盟曼城U19女子隊👉🏻👉🏻👉🏻👉🏻16歲港女足陳頌文移英加盟曼城U19 兒時教練:佢係好努力嘅女孩👈🏻👈🏻👈🏻👈🏻🔼🔼🔼🔼

憶起欺凌經歷

譚芷昀透露,大約11歲時開始萌生出版書籍的念頭,全因她憶起約9歲時的校園欺凌經歷。「諗返起以前嘅經歷,其實係有少少欺凌。唔係肉體上嘅欺凌,而係被孤立。原本喺break time一齊玩嘅同學突然間孤立咗我,唔想同我玩,我不斷諗其實我做錯咩呢?」

「當時有喊,被父母睇到,就問『做咩事』。我同佢哋講完之後膊頭就輕鬆咗,幾個星期之後就冇咩嘢,搵到新朋友。」譚芷昀坦言,可幸父母助她走出困境,卻想到或有其他年齡相近的人正經歷同樣事情。「可能情緒好低落、抑鬱,甚至會有自殺念頭,想提高大家嘅意識。」

+9

零用錢自資出版

新書《Harper》的插圖由插畫師伍尚豪主理,故事圍繞女主角Harper因搬家而轉到新學校,卻受到新同學的排斥,情緒低落。「唔想返學,但又冇同人哋講,成日諗好多負面嘢,感覺就快爆炸。」

譚芷昀冀新書可觸及孩子和年輕人,「俾佢哋知我哋係聽到你,知道你唔開心,會陪住你。」同時帶出不必為別人而改變自己的訊息,「啲人欺凌你,或者講唔好嘅說話,都唔需要理會,或者迎合佢哋期望。做自己、愛自己就得。」新書由譚芷昀掏出零用錢自資出版,於其個人網頁發售,收益扣除成本後,將全數撥捐香港聾人子女協會。

+3

她又分享,在上學以外,現時的時間分別分配在學習、音樂及文字創作。「一個星期有四至五日都會唱歌,每次一個鐘左右。」文字方面,除了故事寫作,她亦會譜寫歌詞,又透露接下來計劃出版長篇小說,亦希望嘗試涉獵時裝或產品設計,平衡學業與興趣。

🔼🔼🔼🔼另一位爸爸亦為SEN兒子成立社企👉🏻👉🏻👉🏻👉🏻為自閉兒創立朱古力社企 聘請SEN孩子 爸爸:我哋嘅仔係有能力👈🏻👈🏻👈🏻👈🏻🔼🔼🔼🔼

+3
+1