疫情下外傭留家製作甜品蛋糕生日飯 僱主開心曬圖:苦中一點甜

撰文:許珞珩
出版:更新:

第五波疫情持續嚴峻,昨(27日)新增32,359宗確診,衞生防護中心指染疫人數仍處於上升趨勢,預料個案短期內仍會持續增加,相信疫情仍未見頂。不少家庭也選擇居家抗疫,寧願自己下廚製作,減少外出用餐。有多名僱主集體在網上社交平台分享,家中外傭姐姐在疫情之下,花足心思製作精美蛋糕、甜品、家鄉美食及多個巧手菜式,甚至有外傭見到少主困在家中很悶,開班教少主邊玩邊學製作麵包,令眾僱主笑逐顏開。
(所有照片由受訪者授權刊登)

僱主蘇小姐一家四口,14年前聘用廚藝了得的印傭,她向記者分享與外傭的相處日常,「佢好乖,對老人家同小朋友都好好,佢20幾歲時來我家,肯學肯做,我有時會畀食譜佢,有時佢自己發揮,係疫情之下嘅苦中一點甜。不過我想話佢好有心,值得一讚!」

+11

蘇小姐指出,其印傭自疫情以來,一直都自動自覺居家抗疫,她說:「上兩星期政府呼籲僱主叫工人星期日盡量唔好放假外出,我都未講完,佢話唔出啦!佢已經兩個星期日無出去。平時我畀咩佢都煮得好好味,如果要禁足,我都唔擔心,佢知疫情嚴峻,所以佢都有準備。初期佢會問煮我咩餸,我話依個係你責任,我唔會理,有時我真係想食某啲餸,我會主動同佢講,所以一向都係佢自己準備食材。」

由於蘇小姐的兩個女兒已經長大,亦都已經出國留學,所以蘇小姐的朋友都期待可以續聘其印傭,她說:「我好多朋友排隊等佢,有時我星期日有朋友嚟食飯,我姐姐都肯主動唔放假(當然我有補錢畀佢),佢絕無黑面,所以我啲朋友都好喜歡佢。」

🔼🔼🔼外傭來港放寬到檢疫酒店隔離,即睇有邊間可以預約:3月1日起來港外傭可於檢疫酒店接受強檢 一文睇清第七輪酒店名單🔼🔼🔼

熱辣辣菠蘿包出爐

另一僱主葉小姐的外傭向來煮得一手好餸,近日更喜歡整麵包,葉小姐說:「我同姐姐講,你煮嘢食咁叻,唔知識唔識整包呢,姐姐話佢只係識整香蕉蛋糕,結果整咗麻糬芝士波波、朱古力蛋糕、仲有菠蘿包,賣相一般,但超好味,而家仲有熱辣辣菠蘿包食,真係好好幸福!最近仲會同我仔一齊玩煮嘢食。」

+2

🔼🔼🔼外傭確診新冠,僱主點計人工?即睇:傭染疫留家隔離無法工作 只要符合一條件僱主需支付5分之4薪金🔼🔼🔼

烹飪班學有所成

另一位僱主郭太的菲傭最近上了烹飪班,學整了不少甜品。

+1

情人節菜式連場地佈置

僱主陳小姐過往多次聘請的外傭都令她失望,有些更態度惡劣,令她活在不安之中,近日聘得新外傭姐姐,她說:「雖然佢能力冇之前個姐姐咁高,但係佢嚟咗之後我每一日都好開心,老公話我心情好咗好多!情人節嗰日,佢仲同小朋友一齊整咗一碟餸畀我。最近疫情反覆,陳小姐帶着戰戰兢兢的心情要求外傭放假留在家中,外傭的答案是:「我知道為以前嘅姐姐一定黑面,點知佢都好明白事理,我真心相信仲有好多真誠待人嘅姐姐,希望大家都可以搵到!」

你可能感興趣