《五個小孩的校長》班底參與金像同行 心疼小孩將憂傷情緒收起

撰文:
最後更新日期:

香港電影金像獎頒獎典禮除了表揚傑出的電影人外,亦肩負起關心社會的責任,今年「金像同行」與慈善機構 關注學童發展權利聯席(關學聯)合作,希望大眾能關注基層孩童面對的問題。大會更找來《五個小孩的校長》導演關信輝先生,跟關學聯攜手拍攝以「小孩有夢」為主題的宣傳短片,讓小孩子們初嚐實現夢想的滋味。

攝影、短片:粱碧玲

剪接:黃卓敏

今屆「金像同行」的拍攝團隊有攝影指導爾超軍(左)、導演關信輝(中)及心理學專家張佩瓊,他們都認為是現實的殘酷,令本應天真無憂成長的小孩子們變得早熟。(梁碧玲 攝)

關信輝導演稱當初收到金像獎的提案時就義不容辭:「金像獎搵我幫手,當然當仁不讓;仲要係關注小朋友,我自己覺得係夢想成真,我一直想拍啲關心小朋友嘅題材,仲要係基層,好感恩有呢個機會。」關導演又感謝團隊主創成員——創作顧問及編劇張佩瓊(Henna)、同時亦是心理醫生,所以在跟小朋友交流上有很大幫助;攝影指導爾超軍則一直有在拍紀錄片,所以在捕捉小朋友的神情方面亦沒有難度。

金像同行之小孩有夢

題目 明星 小孩 夢想
大弦樂家 郭富城 朱博 音樂家
我是路人丙 余文樂 熹熹 演員
平民俠醫 謝安琪 韻澄 外科醫生
十個小孩的校長 楊千嬅 婉瑩 老師
家有囍宴 毛舜筠 泳鍁 醫生

 

+19
+18
+17

「小孩心聲大人唔識去聽」
創作顧問張佩瓊說他們一共做了十個小孩子的訪問,最想在過程中知道他們的感受、心聲,而不只是資訊:「帶住尊重小朋友嘅心,我哋覺得佢好細個,但其實佢哋好聰明,每一個生命都可以感覺世界。」而小朋友在鏡頭前說的都是心底話:「心聲唔係作出嚟,係本身就有,不過大人唔識去聽。」

張佩瓊透露在拍攝團隊聽到小朋友真正的心聲後,現場的工作人員都被打動,全都哭成淚人:「做訪問時係清場嘅,等小朋友專心同我傾偈,其他工作人員就離開,得返我、導演、攝影師,全場只有我係女仔,但最終全部喊得犀利過我,全部流晒眼淚,大家都被小朋友嘅真情打動。」

今年「金像同行」邀請了郭富城、余文樂、楊千嬅、謝安琪及毛舜筠與小朋友們一起拍攝,皆因他們每個都很愛錫小朋友,而且已為人父母,能明白小朋友的心境,有同理心。(影片截圖)

拍攝上主要以小朋友願意去分享為先,其他感人片段有機會的話,亦希望能與觀眾分享。(梁碧玲 攝)

「心疼小朋友將傷心情緒收埋」
張佩瓊又分享其實在基層生活的小朋友們都很懂事亦很老成,他們會進一步思考和配合大人的想法:「我問小朋友有冇傷心嘅時間,佢好快答我話冇,但對眼已開始有淚水。我好心疼小朋友將佢傷心嘅情緒收埋,可能見到大人都有點難堪,唔想講自己感受出來。」爾超軍亦補充:「我好記得其中一個小朋友韻澄,話唔需要買啲想要嘅嘢,只係買需要嘅嘢,想要嘅嘢自己搵到錢先自己買。」

談到拍攝期間最感動的事,張佩瓊說:「泳鍁(跟毛舜筠一組)真係好感動,喺個咁細嘅抖室裡面,哥哥又病咗,佢唔係去憤世嫉俗,反而希望將來可以做一個醫生,可以免費幫人醫病。」攝影指導爾超軍憶起泳鍁的生活環境,四個人在不足100呎的地方生活,家裡還有其他傢私雜物,擠逼得門也關不上,在拍攝上來說也挺有難度。

小孩訪問甩底是心理關口問題
至於導演關信輝,他最難忘一幕是沒有放入片段的。「我最難忘嘅係一個11歲嘅小朋友住喺深水埗劏房,正式拍攝前我哋探過佢、傾過一次偈,但正式拍攝嘅時候佢媽媽話佢出咗街,等咗幾個鐘都冇返。」由於這位小朋友已11歲,張佩瓊相信是他自覺家境不好,不願出鏡。關信輝好記得第一次跟他對話時,說自己冇夢想。「我再問幾次先發現原來佢想做科學家,當時好感動係原來喺板間房生活嘅小朋友,都有大嘅夢想!」

導演關信輝說到感觸之處,兩度流下淚水。(梁碧玲攝)

最後關導演亦不忘對小孩子們說一席勉言:「希望小孩有夢嘅片段鼓勵到多啲小朋友勇於追求夢想,唔好放棄自己嘅夢想!」小孩是我們的未來,他對小孩子們的未來寄予厚望:「最重要係流嘅眼淚係喜悅嘅、充滿盼望,我見到嘅未來嘅工程師、音樂家、醫生,我睇到嘅唔係限制,係無限嘅可能。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。