【掃毒2】衛詩雅作客專訪邱禮濤 「點解我拍親你啲戲都會死?」

撰文:
最後更新日期:

由邱禮濤執導,劉德華、古天樂、苗僑偉、林嘉欣、衛詩雅和陳家樂主演的電影《掃毒2 天地對決》於7月16日上映。01娛樂的新節目「電影作客」,每集會請來一位影壇後輩,去訪問一眾前輩。第一集便找來衛詩雅擔任客席主持,訪問《掃毒2》導演邱禮濤,除了大談片場內外的趣事,還講到邱導的強項「血腥Cult」作品,到底是如何煉成的?衛詩雅更指邱導一直是她的偶像和榜樣,甚至稱他為一本影壇百科全書。

邱禮濤導演和衛詩雅為宣傳《掃毒2 天地對決》一同接受《香港01》訪問。(梁碧玲 攝)

長髮留足40多年 一定堅持晚晚洗頭

訪問一開始,Michelle就問到導演關於秀髮的問題,原來Michelle早前有送過洗髮水給他,關心導演有冇用到?邱禮濤:「有用,已經用晒喇!其實十幾歲已經留長頭髮,依家變成習慣,不過嗰陣點解留就唔係好記得喇!」

相信不少女生一定試過好夜返到屋企,又要卸妝又要洗頭吹頭,但已經一身疲憊,甚麼都不想做只想睡覺,原來長髮的邱導都有同樣感受:「但我會堅持每日都洗頭,洗咗好瞓啲,不過有時太心急瞓就頭都唔吹就瞓。」

邱禮濤導演自言長髮留足40多年,冇咩原因但已成習慣。(梁碧玲 攝)

血腥Cult唔係得個講字?

講到邱禮濤的強項︰血腥Cult作品,表表者的有《伊波拉病毒》以及《失眠》,鍾情這些題材,除了興趣也跟讀書時選修的科目有關。「我未拍電影前,讀過Diagnostic Geography,要去做解剖兼在醫院做過實習。見過因交通意外入嚟嘅傷者,畫面好血腥,有個病人入到嚟不斷嘔血,仲嘔足3桶都未嘔完。另外仲有喺尖沙咀斬人,雖然我見唔到過程佢係事後先送入嚟,有個人俾人斬完啲血多到呢!其實真真假假好奇怪,好多人話『扯~啲戲好假』但你見過咩?比如我拍有架車撞起個人彈高十米,個個人話好假好誇張,你見過咩?我見過喎!」

隨後邱導再補充自己一些拍戲經歷:「又比如有啲戲好嚴謹,拍20年代嘅戲搵隻古董錶,話個隻錶要3百萬,氧化晒又黃黚黚,當日個隻錶係新㗎!今時今日拍一套20年代嘅戲,其實你要漂白返(隻錶)先拍得㗎。有時啲嘢就係咁,觀念嘅嘢,大家真係個種極致嘅求真,你冇求證過就自己以為係咁。」

邱禮濤和衛詩雅多次合作,衛詩雅視他為偶像!(梁碧玲 攝)

有冇場面是自己真人真事改編?

邱導表示:「以自己的經驗所見過,血的份量直情是不夠多,大部分都是我親眼目睹、摸過,係我肉體嘅經驗。」

衛詩雅同樣表示早前兩人合作的《失眠》中有一幕講到開腦,邱導爽快透露他自己是有看過屍體的腦部,自言跟港大醫科生有分別,他們需一人買一條屍體學習,我們不是直接醫人的醫科,所以是同學們夾份買一條屍體。當然屍體已經經過冷藏,血量跟常人當然不同,但再講到血量的話,比如有一次在片場跌倒,手腕按在車軌的扣子上,拎起手後血是直噴出來!這當然就是分別了。

衛詩雅同陳家樂經常吵吵鬧鬧,不過都係好好嘅朋友,今次仲喺《掃毒2 天地對決》中扮演情侶。(衛詩雅IG圖片)

衛詩雅反擊:點解次次都係我死?

另外邱導表示在求真方面,今次《掃毒2 天地對決》的中環站的確好真,但是過程一定會被容易為十分奄尖,而且對使用全特技的信心不足,所以真真假假都放在一起時看起來就會變得更加真。
反而最尾衛詩雅反擊問:「點解次次都係我死?點解唔係陳家樂死?」邱導都有口難言:「我都有諗過你死定陳家樂死,最後諗住係你死會打動觀眾啲!」

點擊看更多圖片

+3
+2

《失眠》恐怖劇照:

+4
+3
+2
a target="_blank" href=" https://hk01.app.link/zAfjAqgeEO">


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。