【犯罪現場】隔17年再合作古天樂出手勁狠心 宣萱:以為自己就死

撰文:
最後更新日期:

由爾冬陞監製,馮志強編導,古天樂、張繼聰、宣萱、顏卓靈領銜主演的懸疑電影《犯罪現場》,將於10月24日在香港上映。古天樂與宣萱(Jessica)繼電視劇《尋秦記》後相隔17年再度合作,不少觀眾都非常期待他們在《犯罪現場》的演出。兩人多年後再拍對手戲,鏡頭前後默契十足,擦出不少火花,不過今次古天樂卻要對宣萱痛下殺手!

古天樂和宣萱事隔17年再度合作。(電影公司提供)

戲中講到古天樂從後用風褸笠著宣萱的頭,再用力將她的頭撞向牆,結果不慎弄傷她的頸部,幸好宣萱最終並無大礙。

後來古天樂解釋這場戲其實來自一個誤會,所以他偷襲宣萱:「開頭係諗住分開幾場戲做,但導演建議我地不如試下一次過做哂,咁可能我又肉緊得濟。」古天樂憶起導演特意叫宣萱先試一下,如果辛苦就叫停,結果她忍痛直至完成整場戲,古天樂大讚她專業:「我有同佢講你一唔得就嗌cut啦,咁佢真係好好嘅,成程都冇嗌cut,因為大力chok 住條頸點都會痛,但係佢就好堅持忍住做落去,係幾驚喜嘅!」

與古仔老友鬼鬼的她更笑說:「我唔會怪佢,Ok嘅!佢會萬歲架喇。」

宣萱受傷後,觀看回放鏡頭時不斷轉頸拉筋,更需在頸上敷上冰毛巾,驚魂未定的她哭笑不得地說:「其實拍之前我驚左好耐架喇,因為我太了解佢(古天樂)喇!好驚呀同佢拍打戲!」原本這場戲有為宣萱安排替身演員,但她為求效果完美決定親身上陣,她表示:「佢哋(導演和古天樂)建議我不如自己做埋啦,我都覺得咁樣(自己演)真係會靚啲嘅,成件事一個鏡直落可以smooth啲。」

宣萱表示自己非常明白,因為自己都拍過打戲,有時太真用了真力打落去都會問返對方有冇事。(電影公司提供)

不過在拍攝途中,宣萱聽到自己條頸發出「啪」一聲時已心感不妙,但依然堅持下去:「還掂都啪咗聲,所以一定要頂埋去,做埋場戲,都叫做犧牲得值啲嘛!」表現專業的宣萱說動作戲追求逼真,難免會受傷,她幽默地笑說:「本身兩個禮拜前我都約咗要正骨嘅,依家佢幫我啪歪咗,再去整翻好,好似會抵啲。」而再講到俾件褸笠住時,她透露:「我完全以為自己就嚟死!其實嗰下我同自己講頂多一秒,我就會話救命唔得喇,好彩嗰一秒之後佢就鬆。」

問到在受傷後古天樂有沒有關心她時,她更搞鬼壓低聲線扮古天樂:「上去敷冰啦!」又指其實整年事都沒大問題,不會怪他,他會萬歲架喇!

+6
+5
+4
a


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。