【犯罪現場】畀古天樂逼跳「屎海」 張繼聰︰讓我浸淫在大自然中

撰文:
最後更新日期:

古天樂、張繼聰、宣萱、顏卓靈主演,爾冬陞監製、馮志強編導的《犯罪現場》,將於10月24日香港上映。戲中有幕講張繼聰被古天樂威迫跳落海,而這亦是阿聰從影以來第一次跳海戲。不過現場環境就比較惡劣,衛生環境欠佳,仲處處有「金」,令佢非常難忘。

古仔反客為主,逼阿聰跳海。(《犯罪現場》劇照)

劇情講到阿聰一直跟蹤疑犯古天樂,追到碼頭時更勸對方自守,不過一個閃身古仔就反客為主,調番轉控制大局,要阿聰跳落水等自己有時間上船走人。拍攝當日天氣翳焗,現場所見的水質亦非常混濁,更不時有排泄物飄過。不過阿聰都非常敬業,沒半句怒言,話跳就跳。拍攝期間喝了不少又鹹又濁的海水。

+2

拍攝完畢,阿聰上水後一臉正經地說:「我今日征服咗呢一帶嘅海域,完全係浸淫同擁抱呢個大自然嘅質感裏面。每個出色嘅演員都有演過跳海戲,所以我算係完成咗個心願!」面對和偶像古天樂演對手戲,張繼聰流露出幸福神情:「可以近距離欣賞到古天樂喺快艇上嘅英姿,令我真係開心到想跳舞,雖然係佢逼我跳落去,不過我冇嬲佢。」浸在水中的他,更搞笑地跳起韻律泳來,逗得在場劇組大笑。

阿聰同場加映跳韻律泳娛賓。(《犯罪現場》劇照)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。