【雙子任務】韋史密夫強行「回春」演年輕版 「要改埋中佬口吻」

撰文:
最後更新日期:

電影《雙子任務:疊影危機》,講到韋史密夫(Will Smith)飾演的特工亨利,打算退出江湖,但被神秘的年輕特工追殺,隨即發現追殺自己的竟是跟自己一模一樣嘅年輕版小克。為咗呢場重頭戲拍攝,劇組安排了500人的特效團隊,幫韋史密夫回春,而當自己重溫「年輕」的演出後,只有一個反應︰「尷尬到唔敢睇!」

現年51歲的韋史密夫,在戲中就演回同一年紀,並打算退休。(《雙子任務:疊影危機》劇照)

口音都要留意
對於呢幕演出,韋史密夫表示除了演技要調整外,仲有3方面要塑造亨利和小克的不同。首先要將自己51歲的中佬口吻,改得後生啲。雖然是同一個人,但始終係活在兩個環境時空的角色,所以韋史密夫刻意用不同的方式及口音講對白,為兩個角色創造出細微而重要的差別。

成套戲,有一半時間要帶住呢個鏡頭演戲。(《雙子任務:疊影危機》劇照)

強逼重溫舊作「真係尷尬到唔敢睇!」
動作方面,中佬的動作當然唔會快得過後生,但另一注意是風格。身為退役特工的亨利,所接受的訓練也比較陳舊,格鬥方式就有如拳擊手般,韋史密夫還表示:「亨利絕不會起腳踢人!」相反小克被培育成「殺人武器」,不會自我設限,打鬥風格就像MMA自由搏擊一樣,為求勝利花招百出。

韋史密夫更坦言導演李安,曾經向他提出一項演出要求,令他勁尷尬。「他叫我不要演得那麼好,事關今次是飾演23歲的自己,所以導演特別找了我年輕時的演出給我重溫,我真係尷尬到唔敢睇!」

+4
+3
+2

500人後製團隊
至於為了營造這個後生版韋史密夫,李安率領近500人的視覺特效團隊,耗費超過兩年時間精心打造,利用動態捕捉及電腦數碼影像,重塑出後生版韋史密夫。咁當事人見到年輕的自己重現銀幕,又有咩感覺呢?「望住23歲的自己,感覺很奇異,起初聽起來覺得很型,但當你真正見到成品,就會非常震撼,它會觸動到你的內心。」今次韋史密夫分身除了利用頂尖電腦技術,還必須親身上陣演出兩次:首先演一次亨利,然後戴上一身動態捕捉的裝備,再於同一場景演繹小克,認真大陣仗!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。