拆彈專家2|吳卓羲有幸當劉青雲副手 「已經集齊想合作的偶像」

撰文:
最後更新日期:

日前政府宣布戲院需要再度關閉14日,由2日到15號都未能開放,而由兩大影帝劉德華、劉青雲領銜主演的《拆彈專家2》原定於12月24日登場,電影上映日期,目前暫未受影響。

由兩大影帝劉德華及劉青雲主演的《拆彈專家2》將於12月24日上映。《拆彈專家2》官方宣傳海報)

導演邱禮濤早前講明,來到續集,戲中有不少動作、槍戰戲,更會炸埋香港機場。當中一場反恐戲到香港機鐵站取景,劇組出動過百臨時演員,又租用超過十數部警車、救護車、消防車等,當日着上全副武裝上陣包括制服、長靴、頭盔飾演「爆炸品處理課」警長的吳卓羲,在攝氏三十度高溫下,於中環街頭跋足狂奔兼跨欄,為了拍出完美效果,吳卓羲在鏡頭前多次來回喪跑,大汗疊細汗都毫無怨言。

吳卓羲在戲中都不少動作戲。(電影公司提供)

對於戲中的動作場面,吳卓羲表示:「我體能即使應付唔到都要應付,最緊要拍出嚟靚!其實今日唔係最多動作嘅一次,之前已在機鐵站拍咗好多跳躍鏡頭,不過最辛苦唔係我,最辛苦係導演,好似今日咁,拍攝咁大場面,導演兼顧係最多。」

吳卓羲透露在片中飾演劉青雲副手,跟對方有不少對手戲,「上一集我跟華哥(劉德華)多對手戲,今次就跟青雲哥,我已經集齊咗我好想合作嘅偶像,同佢哋合作,我會從旁觀察,喺佢哋身上汲取經驗,對我日後電影發展好有幫助。」

+4
+4
+4


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。