#PTGF出租女友|鍾培生為「林鍾一戰」戒酒 ︰開打前要逼盡自己

撰文:沈洛嘉
出版:更新:

由蕭定一旗下「hmvod」開拍的話題港產片《#PTGF出租女友》,「香港電競之父」鍾培生(Derek)都有份投資,今早(18日)他接受《香港01》訪問時都有提到自己近日正在積極備戰「林鍾一戰」!
攝影:葉志明

鍾培生表示自己現時已經好fit!(葉志明 攝)

鍾培生先講到自己投資的電影《#PTGF出租女友》,他本人不會參與任何的製作及管理,因為自己唔識,全部都會交由攝影製作、導演去做決定,而問到鍾培生近日對打拳的操練如何,他信心爆棚:「超級fit!啱啱阿一(蕭定一)走嚟想掃我啲腹肌,我已經係日日朝早7點半起身,睇下培生培心啲留言先,8點拉筋直接進入練拳狀態,教練8點半嚟到就開始練,之前我都未夠能力打入擂台,開始會做啲深少少嘅訓練,都有做返體能,嚟緊呢半年都會好守紀律咁去練。」

鍾培生與林作在記者會上火藥味甚濃。(葉志明 攝)

當提及飲食上又會如何控制時,他苦笑:「飲食上就慘喇,冇得飲酒啊!7月前可以飲4次酒,但而家已經用咗2次限額,汽水又唔飲得,我好鍾意飲汽水架!但其他好似肉個啲咁就照食,打邊爐就仲未戒到,我都好鍾意打邊爐,教練都okay嘅。」

鍾培生坦言今次目標係要盡力,要同自己有交代,對得住買飛嘅人。(葉志明 攝)

鍾培生自言現時因為都要返工,唔會全日用來練習,但在開戰前夕一、兩個月就會將自己逼到最盡,一日會操兩至三轉,一定會係爆炸性咁練。而對於拳賽,鍾培生表示有考慮會在網上設立投票詢問大家,究竟大家想睇佢一開始就KO林作,還是跟他玩足4個會合呢?他:「我都要有返一定實力先可以做到架嘛。」

+15
你可能感興趣