深宵閃避球|力捧4位女新星 大讚鄭伊健無論幾夜都會陪佢哋拍戲

撰文:沈洛嘉
出版:更新:

新戲《深宵閃避球》今日(28/7)舉行開鏡,由鄭伊健、周家怡、錢嘉樂、李靖筠(Gladys)、「Dee姐」陳海寧(Isabella)、雲浩影(Cloud)、黃淑蔓、鍾雪瑩等人演出,講述一班邊青少女在教練及社工的幫助下,靠着打閃避球將人生帶回正軌上。

李靖筠(Gladys)、「Dee姐」陳海寧(Isabella)、雲浩影(Cloud)、以及鍾雪瑩都是閃避球隊員。(葉志明 攝)

力捧四大新女生

四位戲中女演員,李靖筠、陳海寧、雲浩影以及鍾雪瑩一同接受《香港01》訪問,鍾雪瑩先講到其實在香港都有好多朋友玩過,但就較少人知道原來閃避球都有港隊,會派代表去外國參賽。其實一眾演員都表示事前完全唔認識閃避球,陳海寧:「開拍前練咗個多月,有港隊同埋專業隊伍幫我哋特訓,一星期練三、四日,一次兩至三個鐘,瘋狂練波時大家都瘦咗好多,不過早前開夜大家又成日食宵夜就肥返喇!」李靖筠都講到大家主要練習基本功、傳波、力度控制、腳法,現時都算頗有默契,雲浩影直言大家已經學到好專業。

及後鍾雪瑩更講到希望閃避球可以成為奧運項目,陳海寧:「我希望可以代表到香港出賽!」其餘三位聽後即時大笑。

四人表示練波打到手同腳都瘀。(葉志明 攝)

點擊睇李靖筠、陳海寧、雲浩影以及鍾雪瑩的角色簡介:

+9
雲浩影笑言無得獨享鄭伊健,令眾人震驚。(葉志明 攝)

Cloud首次拍電影

由於在訪問內外眾人都不停表達對鄭伊健的愛,問到平時跟這位教練如何,陳海寧搶答:「好close!好親密!我哋每日都會唱佢啲歌,跟住佢就會覺我好尷尬,我哋就會好開心!」4位更即場大聲演唱伊健的歌,狂讚他人好,又有魅力,直言就算拍攝幾早幾夜都好,一見到面便會很精神!

雲浩影都有講到由於很多都是群戲,可惜未能「獨享伊健」,但平時伊健的反應都好得意,戲中有幕甚似「網球王子」,他一出場大家都忍唔住會好心動,雖然唔係第一次見佢,但愈識得耐就愈有魅力,最開心是無論拍到幾夜,他都會陪着我們在一起、為我們加油,見到他都好醒神。

雲浩影講到首次拍戲都會緊張,好怕NG連累其他人,目前看起來Cloud的發展不錯,一直發展唱歌事業,又有譚仔雲南米線的廣告代言、現時更踩入影圈,奮力向多方位發展,以《全民造星3》參賽者計,她不乏演出機會,發展不俗。

Dee姐話阿Dee已經代替唔到自己。(葉志明 攝)

最後問到陳海寧會唔會好似ERROR成員阿Dee(何啟華),早前為他頂更一樣,自己因為拍戲忙搵返阿Dee頂更,她笑言:「講真,我而家已經身懷閃避球絕技,阿Dee已經代替唔到我,(鳳凰不死鳥都冇用喇?)佢要練返一個月先可以代替到我,同埋而家阿Dee肥咗好多,我睇佢IG咋,我好耐冇見過佢。」

點擊睇更多黃淑蔓:

+1
你可能感興趣