大媽帶電動車搭港鐵 網民斥危險:鋰電池着火就大鑊 港鐵咁回應
又有乘客違反《港鐵附例》,攜帶未拆前車輪電動單車進入港鐵範圍!網上流傳照片,有大媽攜帶1輛電動單車進入港鐵車廂,有乘客不滿拍下照片公審,引來網民紛紛批評大媽行為危險及違反《港鐵附例》,「鋰電池喺列車着火就大大鑊」、「撳掣啦,話有電動車喺車廂內,有火警嘅風險,要求處理」。
港鐵回覆《香港01》查詢時表示,就事件未翻查到相關投訴紀錄,港鐵藉此機會再次提醒乘客,根據《港鐵附例》,任何人不得將單車、電單車或其他類似的運輸工具進入港鐵範圍,有關行為有可能影響鐵路安全。現時,乘客如欲攜帶單車乘搭港鐵,必須摺合單車或拆除單車前車輪,以確保其符合運載行李的規定。

有港鐵乘客於facebook群組「車cam L(香港群組)」發文,並上載1張照片,見到有大媽攜帶1輛電動單車進入港鐵車廂,大媽站在近車門位置,戴上「黑超」,未有躲避鏡頭。樓主配上「型」1隻字總結照片,亦帶嘲諷意味。
大媽帶電動單車搭港鐵
有網民留言批評,「唔係要拆1個轆㗎咩」、「點解要明知故犯呢香港人」,又揶揄「成個車模咁款喎」、「嚟緊會唔會見到有綿羊仔搭港鐵?」。
網民:鋰電池喺列車着火就大大鑊
有網民直呼危險,認為港鐵應加重罰則,「有鋰電池好危險」、「如果着火就X街」、「真係唔明!係咪要爆1次電池,有傷亡先執法?」、「港鐵捉到真係要告唔係警告,否則只會助長呢啲人繼續唔守規矩,終有1日搞出事」。
港鐵:必須摺合單車或拆除單車前車輪
港鐵回覆《香港01》查詢時表示,就事件未翻查到相關投訴紀錄,港鐵藉此機會再次提醒乘客,根據《港鐵附例》,任何人不得將單車、電單車或其他類似的運輸工具進入港鐵範圍,有關行為有可能影響鐵路安全。現時,乘客如欲攜帶單車乘搭港鐵,必須摺合單車或拆除單車前車輪,以確保其符合運載行李的規定。
港鐵又說,車站方面會加強留意,亦呼籲若乘客見到相關情況,可即時通知港鐵職員,以便作出適切跟進。港鐵呼籲乘客顧己及人,共同維持一個舒適的乘車環境,不要做出可能影響其他乘客的行為。