【杜汶澤程美段】試過被公司拖糧 張沛樂：有時係資金周轉問題
撰文：吳子生
出版：更新：
張沛樂（Charlotte）今日出席尖沙咀舉行的「跨平台網紅主播選舉」發佈會。Charlotte 表示作為現今世代，一位出色主播具備條件要有創意：「好似宜家內哋啲主播好犀利，佢哋拍啲片好多人睇，因為佢哋拍啲片喺鏡頭前，同鏡頭後個樣分別好大，將真實一面程現俾大家睇，咁所以宜家呢個世代，唔可以再咁傳統，靚女講靚嘢。」
Charlotte以嘉賓身分今日出席在尖沙咀舉行的「跨平台網紅主播」選舉發佈會。（陳順禎攝）
對於杜汶澤與程美段因出糧問題掀罵戰一事，Charlotte表示：「做我哋呢行都會準時出糧嘅，不過有突發事件時，遲出糧都會遇過，但明白有時候公司同公司之間，都會因資金周轉問題導致遲出糧，萬一發生係我身上，我會同經理人講有糧未出，我覺得無論如何，經理人應該先支付薪金俾我先較為合適，不過有時候，自己太忙都會唔記得要出糧，諗番當初入行嘅時候當初都唔係為咗錢嘅，我真係想係呢一行攞一啲榮耀，希望有人覺得我做得好，有人讚我，做呢一行一係為咗金錢，一係為咗榮耀，一係為咗獎項，咁我選擇係榮耀多於一切。」
Charlotte考慮推出個人寫真集。（陳順禎攝）