陳嘉倩上位爭做ViuTV一姐? Job接Job極受重視:我哋冇講呢啲嘢

撰文:葉詩
出版:更新:

陳嘉倩(Katherine)周二(12日)出席ViuTV綜藝節目《蟲前有10個女仔》記者會,談起在節目中有不少奇遇:「我好幸運地排除萬難搵到好珍貴嘅盧氏小樹蛙,仲見到蜈蚣生蛋,我原本好驚昆蟲,但原來透過鏡頭望住佢生蛋係幾治癒,15至20分鐘生咗五隻蛋,好似Discovery Channel咁,我諗香港電視史上冇呢個畫面出現過。」

+6

陳嘉倩在簽約ViuTV後可謂扶搖直上,繼早前孭重飛擔任奧運主持,近日更接連兩檔節目《賭命夫妻》及《蟲前有10個女仔》播出,工作不斷,問起是否要競逐一姐之位,她連忙表示:「絕對唔係,我哋冇講呢啲嘢嘅,好似今日咁,我哋10個女仔好開心可以參與同一個節目嘅拍攝,(私底下關係都好好?)好Friend啊,Shirley(沈殷怡)都合作過幾次,我要向佢學習,因為佢係昆蟲專家,點解節目唔安排我同佢一齊拍,咁我就可以有人依靠下;而且今日又認識咗啲新朋友。」