無論行人還是駕駛者，都有責任留意清楚路面情況，以免發生意外！日前有司機在網上駕駛群組貼出「車Cam（行車紀錄）」片段，表示駛至上環某行人過路處時，行車方向明顯為綠燈，但行人路上1名中年婦人卻突然步出並橫過馬路，幸好他及時煞掣才沒有釀成意外，事後不滿公審對方「唔好害人」。

片段掀起網民熱烈討論，不少人批評婦人亂過馬路的行為「累己累人」；但更多人留意到婦人已踏出馬路，片主仍未有減速，同時質疑他車速過快，「有人照行你都（應該）收慢啦」、「揸住部車我覺得要比行人更有警覺性囉」、「唔係綠燈就一定可以踩油過」。

該司機於周二（18日）在facebook群組「車cam L（香港群組）」上傳長約10秒車Cam影片，不滿表示「呀姐你唔好害人呀」。

上環大媽亂過馬路　司機急煞避撞斥：唔好害人

片中顯示，當時片主駕車駛經上環介乎文咸東街和皇后大道中、近中遠大廈對出的行人過路處，而其行車方向明顯亮起綠燈，但左方行人路上1名中年婦人突然步出並橫過馬路，幸好片主及時煞掣，並微微往右方扭轉軚盤，才沒有釀成意外；而片段亦顯示，當時片主駛經上述路段時，車速平均維持在每小時30多公里。

網民斥婦人累己累人：害X死司機

事件引來不少網民批評婦人亂過馬路行為：

「呢啲盲毛通街都係」
「啲車右邊嚟，個頭望左邊」
「佢根本就無望過你」
「宜家啲香港人都唔驚車嘅」
「大媽擺明係慣犯」、「真係害人精」
「就係呢啲人害X死司機」
「撞倒佢你就是危險駕駛，意外後永遠是司機負責任」

啲人真係可以視馬路為無物！想點行點過按自己興趣咁

司機被指車速過快　未有留意路面狀況適時減速

但有留言質疑片主車速過快，「唔係綠燈就一定可以踩油過，當你自己過馬路時，除了睇燈仲要睇吓有冇揸車嘅會衝燈，一樣道理」、「條路冇人冇車的話，你點飛都冇問題，但見到行人過路處咁多人企喺路邊，你仲行咁快把X咩！」

見到行人過路處咁多人企喺路邊，你仲行咁快把X咩！

有人認為片主沒有仔細留意路面狀況，萬一發生意外只會「自己蝕底」，「有人照行你都（應該）收慢啦」、「揸車嘅自己執生啦！」、「行人踏出馬路嗰一刻都未識踩迫（Brake），揸住部車我覺得要比行人更有警覺性囉，唔可以淨係賴行人唔睇燈」。

揸住部車我覺得要比行人更有警覺性囉，唔可以淨係賴行人唔睇燈

（facebook「車cam L（香港群組）」）