巴士上層不准站立，乘客切勿貪一時之快而違法！本港社交平台近日流傳影片，分別有城巴巴士上層車廂，有多名乘客違規站立在走廊通道，更有人搬行李箱到上層。有同車乘客向車長反映，對方卻以巴士閉路電視螢幕存死角為由，故未能及時發現相關情況，但當事人就質疑「睇唔晒成個上層，但點都睇到有人企左喺到」，意指車長「卸責」；另1輛巴士當時則正在上斜，加上途經彎路，引來網民關注。

不少人擔憂巴士上層站滿乘客，會增加翻側風險，「上層企位會增加車廂（失去）平衡風險」、「反車點算」，並批評涉事車長失職，「萬一撞車係咪全車人無保險？」、「連續見到幾單啦喎，搞乜X嘢呀」。

城巴發言人回覆《香港01》表示，留意到社交平台影片顯示，個別乘客於雙層巴士上層站立，提醒所有乘客為確保行車及乘車安全，雙層巴士行駛期間，切勿在上層及梯間站立。城巴已加強提醒前線車長，行車時需密切留意上層乘客動態，若發現有乘客於上層或梯間站立，車長可利用車廂預設廣播提醒乘客遵守相關守則，並在安全情況下待相關乘客返回下層後，才繼續行程。

城巴上層企滿人！　乘客連小童站走廊通道

有搭乘城巴的女乘客於周四（20日）在threads帳號上傳影片，指搭乘A21路線的機場巴士，直擊上層有多名乘客、包括小童違規站立在走廊通道。樓主當時感到不解「點解上層可以企咁多人」，曾一度打算報警，但考慮到自身安全後，決定下車時再向車長反映。

乘客不滿大叔攜行李至上層　口音車長解釋：個cam睇唔晒

樓主稱，她下車時「見到個阿叔拎埋篋上嚟」，拿起手機錄影打算拍下證據卻被對方辱罵，「佢仲要X我叫我落車，唔好塞住條路影相」。她之後步行至下層向車長反映，惟對方以回覆「個cam睇唔晒」，而她拒絕接受此解釋。

上層車頭已經企左5至6個人，睇唔晒成個上層，但點都睇到有人企左喺到，佢就唔應該再放人上嚟。

乘客不信解釋　批司機未善用廣播勸阻乘客返下層

樓主事後再在留言區補充照片，顯示有乘客將1個白色大型行李箱帶到巴士上層，加上多人站立在走廊，明顯阻塞通道。樓主更批評車長未有以廣播呼籲乘客返回下層，只是提醒眾人要緊握扶手，「我唔怪啲乘客，公道講句，佢哋係遊客，唔知上面唔可以企好正常，但司機繼續放人上車就好有問題」。

同日2宗同類事件！　往山頂城巴巴士上層企滿人

另有網民在threads分享類似情況，指事發在同一日的傍晚6時，直擊城巴X15路線巴士正往山頂方向行駛、並沿彎位上斜坡，拍到車廂下層疑似滿座，而上層同樣有多名乘客站在走廊通道，故質疑「個個企晒喺上層，個司機唔理佢哋？」認為涉事車長若然明知情況仍默許，則屬於超載。

網民憂巴士失重心易翻側

相關片段引來網民嘩然，「呢班人通常諗法就係一日未出事都話你哋多事、見識少、其他地方咁做都好正常；到真係出事瀨嘢嗰陣：無寫唔俾（有都話睇唔明）、你哋規矩太多」、「我之前試過叫個大陸佬落返下層，佢仲鬧返我轉頭又兇我，好彩同層有位大隻男士即刻幫口佢先收X」，有留言則擔憂巴士會失去重心，繼而增加翻側風險，「反車點算」、「上層企位會增加車廂（失去）平衡風險」。

山頂線呢啲九曲十三彎嘅路，轉彎時一個唔小心錯重心，成架車就飛流直下三千尺…

網民批評司機失職

有網民譴責涉事車長未有制止以上乘客的行為：

「香港真係大倒退！我真係未見過上層有乘客企會照開車，正常香港司機係（只有）一個（乘客）企都唔會開車！」
「車上面企人轉彎隨時會翻側，司機廿條命都唔夠補」
「連續見到幾單啦喎，搞乜X嘢呀」
「抄低司機名、車牌、時間，打去巴士公司及運輸署投訴」。

萬一撞車係咪全車人無保險？

巴士行駛時站立上層屬違法　可被罰款2,000元

根據香港法例第230A章《公共巴士服務規例》第13A（2）條，巴士移動時，乘客不得在通道以外的任何巴士部分，以及巴士上層，或前於單層巴士或雙層巴士下層司機位最後部分站立，任何人無合理辯解而違反條文，即屬犯罪，可被判罰款2,000元。

（threads＠joyzuyu／0oo._.oo0pp）