荃灣海濱打工仔之哀歌:非繁忙時段班次較密 削7班後客滿難上車

撰文:顏寧
出版:更新:

荃灣海濱花園巴士、小巴線向來不多,距離荃灣西站亦有15至20分鐘步行路程。有居民不滿今年初38A削減至20分鐘至30分鐘一班車。
38A往來荃灣海濱花園至美孚巴士總站,途經荃灣市中心、大窩口、葵興、葵涌,是區內學生和打工仔前往大窩口、葵興上學上班的主要路線,以往一直維持15至20分鐘一班車。2016年,運輸署指其載客量低,建議調整班次以善用資源,今年1月起削減班次。
班次變得疏落之餘,這條路線的「繁忙時間」同樣離奇,如早上9時多至下午4時多班次較密,維持20分鐘一班。有居民批評「搵笨」,「可能因為海濱唔夠爭資源,變咗繁忙時間都咁離奇。」
攝影:顏寧

38A往來荃灣海濱花園至美孚巴士總站,途經荃灣市中心、大窩口、葵興、葵涌,是區內學生和打工仔前往大窩口、葵興上學上班的主要路線。
+2

點解下午4時係繁忙時段? 

38A於早上6時15分至7時55分,維持20分鐘一班,之後維持30分鐘一班。到了9時25分,上班的繁忙時間差不多完結,38A卻變回每20分鐘一班,直至下午4時25分。4時多踏入黃昏時間,一眾打工仔開始下班,正要乘車回家;這時候,38A卻維持30分鐘一班直至晚上11時55分。 

居民組織荃灣海濱居民促進會成員莫遠君說:「9點幾到下晝4點幾,非繁忙時間用繁忙時間安排。繁忙時間係搵笨、唔現實。」平日傍晚下班後,居民林女士都在美孚候車回海濱花園;若不幸遇上延誤或脫班,就是近1小時的等待:「反而係放工就半個鐘一班,唔知點解咁騎呢。都幫唔到返工放工時間,啲人5點後放工㗎嘛。」

莫遠君說:「9點幾到下晝4點幾,非繁忙時間用繁忙時間安排。繁忙時間係搵笨、唔現實。」

20分鐘車程花1個多小時回家:喺大陸落返嚟

林女士說,候車時間往往也多於30分鐘,曾等候50分鐘才有車,「真係等到O晒嘴!」車程只有20多分鐘,加上候車時間後,往往花一個多小時才回到家:「咁短嘅路程要預個幾鐘先返到。有時我都會話,喺大陸返到落嚟啦!」

巴士遲遲未出現,林女士也曾向站內的九巴職員查詢,惟對方竟回應:「如果趕時間咪搭的士,或者過對面搭238X囉!」38A的車資是$4.7,而238X回海濱花園的車資是$6.4,林女士氣憤道:「唔通日日都係咁搭貴車?聽到覺得好唔舒服,邊個想咁樣等車啫?」 

削班後少6、7班車 早上車廂擠迫曾無法上車

在《2016/17年度巴士路線計劃》中,運輸署指38A載客量低,建議削減服務,並調配1輛巴士開設新路線38B,雖然新路線會途經38A部份巴士站,惟38B全日只有2班車:早上有一班前往沙田碩門邨,另有一班於傍晚返回海濱花園的班次,先途經荃灣市中心、大窩口、葵興,再前往沙田,車資為$8.1。於2017年1月起,38A削減至20分鐘至30分鐘一班車。

削班後,莫遠君說,他們曾經點算過,38A每日平均少了6、7班車。荃灣居民Jim的工作地點位於葵興,每天於第三個站的荃灣聯仁街上車。他說,現在車廂明顯更擠迫,乘客已站近車門位置。上個月,他曾「逼」不到上車:「成班人等咗3、4個字,嚟到逼唔到上車。大家你眼望我眼,好失望,即刻行入後街再搵其他車搭。」

後來,Jim也轉乘其他交通工具上班,放棄乘搭38A。記者曾於早上到聯仁街視察,車上的乘客已站近車門附近。

為此,Jim曾致電九巴,反映早上繁忙時間車廂擠迫的問題,要求增加班次,當時九巴回覆Jim指,「38A載客量沒有85%,運輸署不會准許增加班次。」Jim感覺九巴將責任轉移在運輸署上,無意解決問題:「第3個站已經上唔到車啦喎。作為小市民有啲失望。希望九巴唔好淨係賺錢。九巴口號係,一日服務,日日進步,唔係利字當頭。」 

他明白38A繁忙時間過後較少乘客,不能帶來豐厚盈利,非繁忙時間的班次疏落一點也可,只希望能加密與繁忙時間的班次。

運輸署:居民可轉乘地鐵

記者曾就海濱花園居民的交通需要和「繁忙時間」安排向九巴和運輸署查詢。九巴僅回應指,有關調整巴士服務水平,九巴須遵照運輸署頒布的《改善及減少巴士服務的指引》。他們會密切留意乘客意見、營運效率等,並和運輸署進行檢討。

運輸署則表示,最近的調查發現,38A號線由海濱花園開出班次的最高載客率為73%,而平均載客率則為35%,認為服務大致可滿足乘客需求,未有計劃加強該號線的服務。 除38A或38B外,居民可以乘搭238M前往荃灣站及404M小巴前往葵芳,轉乘港鐵前往葵興及大窩口一帶地區。 九巴和運輸署同樣未有正面回應38A「繁忙時間」的班次安排。