良心CEO改裝中上環萬呎Office 會議室鋪草地變多功能運動空間

撰文:
最後更新日期:

香港地工時長,每天運動彷如無法實現的傳說:「鬼唔知咩,邊有咁多時間?」現時盛行夜跑、24小時健身中心,打工仔「捱義氣」零補水開OT後,還要捱眼瞓做運動!辦公室提供運動設施,似乎是最基本的福利!

這天下午,一班上市公司的員工於辦公時間玩泡泡足球(Bubble soccer) 、射箭。另一邊廂,辦公室內佈置成世界盃主題,夜班可以睇波,不怕錯過四年一度的盛事,見證法國奪冠。腦閉塞時可以在人造草地上扭波,午飯時間等叮飯可以打上兩三下乒乓球。這些空間大可改做成會議室,行政總裁William卻說,這一切絕對值得:「員工唔開心或者唔健康,你公司係唔會賺到錢。」老闆有所領悟,原來與其肥胖的過去有關。

攝影:顏寧 、由受訪者提供

William曾有「鞋帶都綁唔到」的大肚腩:「我以前係一個大肥仔,佢哋個個都笑我。」(由受訪者提供)

24小時運作  CEO壓力大變肥仔

位於中上環的HeterMedia是一家上市公司,主要提供財經印刷、市場營銷、新媒體服務,業務涉及融資市場,公司24小時運作,員工早午晚三更輪班工作,隨時為客人修改文件。William說,這一行所謂「唔急趕」的工作,有15至30分鐘時間完成:「如果係好急趕,佢真係會企喺度等你,2、3分鐘要做完。」

死線隨時出現,入行18年來,他曾化工作壓力為食量,「食完Lunch、下午茶就長期坐喺個位望住部電腦,個人好緊張。8、9點放工約埋成班人打邊爐,食完12點返去就瞓覺。」不知不覺間,William竟養成了「鞋帶都綁唔到」的大肚腩:「我以前係一個大肥仔,佢哋個個都笑我。」

CEO減肥成功 office大變身

為了健康,3年前,他下決心減肥,堅持每天上班前做運動;萬事起頭難,拖著肥胖的身軀做運動絕不輕鬆:「痛苦㗎,瞓又未瞓醒,返嚟我仲有成日捱。初初第一次行入去做gym,人哋明明叫你揸住個波用條腰轉,但係你就係隻手轉。教練問點解唔轉,我話,都冇腰點轉。」一年多,他減走40幾磅,膝頭痛消失。往日易累、渴睡的「肥仔」的專注力變得更強,領會到運動的好處,希望員工也可有健康的身心,在節奏急速、壓力大的工作中也能放鬆,「要健康,運動係不可缺。」於是,去年辦公室就來了一次「大變身」。

辦公室原本沒有開放空間,位置都用作會議室,設計較為傳統:「入嚟基本上就係天昏地暗做嘢、打字、排版、設計。」趁著去年重新裝修,他們劃出了開放空間讓員工活動,設草地滾球、乒乓波、氣墊球、打機、看戲的位置,讓員工隨時可在辦公室舒展、活動。近日世界盃的熱潮,這裡佈置成世界盃主題,草地滾球成了小型足球場,黑板上畫了賽程表,看戲的座位上放了足球汽球,直播世界盃賽事。

腦閉塞時,員工可以隨時在人造草地上扭波。

點擊看辦公室設施和活動:

+10
+9
+8

氣墊球大賽贏澳門週末遊

小小的空間漸漸營造出運動的氛圍。William說,間或就會看到幾個同事在草地一起做不同的健身動作,當其他人走過好奇查問,就會互相「挑機」:「你做唔做到啊,你試吓。後生仔挑我機,我又挑吓你機,成件事就有個氣氛。」腦閉塞時,打乒乓波時配上接龍主題,例如是點心名、顏色,更試過玩辣辣壽司。他們甚至邀請過健身教練到場,在這裡安裝戰繩,輪流試玩。公司內部更曾辦過氣墊球比賽,冠軍獎品是「雙人來回澳門週末遊」,鼓勵員工多「練習」:「你出嚟郁吓 ,起碼開心笑吓先。」最近,他們更研究購入跑步機,讓員工「邊行邊開會」。

他們邀請過健身教練到場,為員工做示範,更在這裡安裝戰繩,輪流試玩。(由受訪者提供)

返工時間玩泡泡足球:放工是休息時間

除了辦公室內設有空間讓員工運動,人事部每年也會安排3、4次團隊建立活動(Team building activities),有靜態也有動態,於員工上班時間內進行:「因為唔喺working hours係人哋嘅時間休息。唔使做嘢出糧畀你玩,但係我哋更加想嘅就係效果。」  

訪問這天的下午,各部門的經理選出較少機會與其他部門溝通的同事,在運動場玩泡泡足球、射箭:「希望透過一啲活動增加對大家嘅認識,鼓勵面對面、動態啲嘅活動。」他們甚至曾一起習武耍功夫。同事會覺得被逼做運動嗎?他說,他們選擇時也會考慮活動的趣味,不能對體能太高要求:「我哋揀嘅嘢都係trendy(新潮)啲。佢哋都會玩,自己出去畀錢玩不如公司一齊去玩,佢哋會覺得ok啲。」

訪問這天的下午,各部門的經理選出較少機會與其他部門溝通的同事,在運動場玩泡泡足球。

點擊看更多團隊建立活動:

+5
+4
+3

一間會議室等如多一宗生意:只望同事返工開心

公司讓員工返工時間「玩」,William說是希望員工能更投入:「我希望每個人返嚟都係開開心心,呢樣嘢對我嚟講係好緊要。對啲同事多過屋企人,返嚟唔開心何苦呢?」

這個行業,多一間會議室等如多一宗生意,William要向合夥人、投資者解釋背後理念,有些客人來到也會質疑:「喂,阿Wiill,無嘢啊嘛?呢度咩事呀,好有錢喎,起碼間多兩間房啦。」他卻說:「喺中環一百幾十蚊一呎租,整一個咁嘅地方成本確實係好高,但係健康係無價嘅。」

因為,他相信員工快樂才是提升工作表現的方法,客人也喜歡辦公室相對輕鬆的設計和氣氛,員工也會與客人打波;與其他同行的嚴肅氣氛不同,不用見客的日子,他們容許員工穿著輕便衣著,方便他們出來活動:「有咗健康、歡樂,所有嘢就會跟住嚟。」

William笑說,公司在行內出名「癲」:「我哋公司嘅文化,其實就係無乜文化,最緊要開心同埋健康。」

睇足90分鐘足球冇所謂:信任員工不會濫用 

「其實好簡單,大家都係人,我係CEO。但係如果啲員工唔開心,一個人都冇,你咪繼續坐喺度,但係冇意思。」他不限制員工使用這些設施,只要完成工作就可,即使睇足一場世界盃也無問題,全憑一個「信」字:「一場波90分鐘,食飯都60分鐘啦,多30分鐘。我就唔信pack(緊湊)到咁樣。都係個信字,我相信我的員工唔會咁傻、咁abuse(濫用)。」 

在這裡工作7年的Adaline說:「老細真係好Free,同事做得辛苦出嚟搓兩板,係唔會鬧你。全部都好有紀律,玩完自己返位繼續做。」這天,他們一起重溫球賽精華、打乒乓波,下屬直呼William「肥仔Will」,公司上下打成一片。William笑說,公司在行內出名「癲」:「我哋公司嘅文化,其實就係無乜文化,最緊要開心同埋健康。工作有9個鐘頭都係喺公司,放工之後好攰啦。如果office有啲basic facilities(基本設施)咪好囉。」

編按:8月5日是康文署推行了近十年的「全民運動日」。關於全民運動日,為市民熟知的大概只有當日免費租場;然而自強的香港人近年早就以自己的方式趕上了運動大潮——無論是無限輪迴OT的打工仔、自愛的女性、又或在街頭大跳大媽舞、天天落公園強身健體的長者。今天的香港人如何在僅有的空間與時間裡爭取動起來?而在人口老化、市民身體素質成為都市發展的重要課題下,本地職場、政府設施,又有多鼓勵/不鼓勵全民運動?「01社區」策劃「運動城市」系列專題,為以上種種進行探討。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。