【花椒之味】鄭秀文為戲獻聲唱《好好說》 大讚見到任賢齊心就暖

撰文:沈洛嘉
出版:更新:

電影《花椒之味》由鄭秀文(Sammi)主演,並與來自台灣的賴雅妍、內地的李曉峰合演三姊妹,還邀請劉德華、任賢齊客串,鄭秀文更為了《花椒之味》開金口演唱電影主題曲《好好說》,同時MV亦正式曝光!

《花椒之味》電影主題曲《好好說》由鄭秀文演唱。(電影公司提供)

Sammi表示今次《花椒之味》整個製作需要歸功於好導演和好劇本,她說:「劇本好多笑中有淚,我同兩個妹妹(賴雅妍和李曉峰)建立咗真摯感情,好唔捨得。所以電影煞科時我心情極之複雜,一方面好開心,終於完成一部電影,但另一方面對於角色好唔捨得。當我進入咗呢個角色的時候,佢哋笑、佢嘅經歷或者眼淚,所有情緒都係真,好似將空間定格咗喺畫面,雖然第一次合作,過程好多事值得回憶。」

Sammi跟劉德華演過無數次情侶夫妻檔。(電影公司提供)

戲中3姊妹同父異母,在爸爸的喪禮上第一次相遇,加上要共同解決問題,感情迅速建立。鏡頭後她們同樣一見如故,很快投入角色,比戲中姊妹更情深,甚至同笑同淚神同步,Sammi說:「戲中好多搞笑情節難忘,但感情重頭戲拍攝時,互相畀力量大家去演出,眼淚互相感染對方,當大家拋出真感情出嚟嘅時候,情節就會好好睇,呈現到角色有血大肉嘅地方。」

Sammi大讚小齊永遠都係咁親切。(電影公司提供)

除了兩位初次合作的演員外,當中更有劉德華和任賢齊客串《花椒之味》,兩位皆是Sammi多年來的老拍檔,任賢齊跟Sammi合作《夏日的麼麼茶》後,相隔16年再度攜手合作,她說:「小齊永遠都係咁親切,一見到佢心裹就好溫暖。」而小齊戲中飾演暖男醫生,受命去醫治她的心病。而跟Sammi演過無數次情侶夫妻檔的劉德華,她說:「華仔雖然只係客串咗幾場戲,主要講愛情和親情嘅議題,原來男人真係嚟自火星,而女人嚟自水星。就算大家講緊同一個話題,但去到某啲位又講唔到落去。當大家正面對如何經營一段男女關係嘅時候,一定好有同感和會心微笑。」

《花椒之味》電影主題曲《好好說》