【全民造星II.專訪】姜濤接受花姐挑戰親揀接班人:見到佢嘩一聲

撰文:游大東
出版:更新:

ViuTV重量級自製節目《全民造星II》終於在亂世中登場,於明晚(30/9)起,逢周一至周五晚上10點半播出,合共45集,播足9個星期;據知,訪問當天,比賽的錄影進程已由最初96位參賽者,淘汰至只剩下40強,包括中途突然加入戰團的MIRROR。日前三位大師兄 ── 姜濤、Ian(陳卓賢)以及Anson Lo(盧瀚霆)收到監製花姐(黃慧君)委派的「秘密任務」,從30位躋身40強的《造星II》新學員當中,各自挑選心目中的奪冠大熱。記者的焦點,當然落在姜濤身上,作為第一屆《造星》的冠軍得主兼現時MIRROR的風頭躉,他的答案必定會成為全港觀眾推測新一屆冠軍得主的重要參考。他介紹這位心水人選時說:「我第一次喺面試見到佢嘅時候,我係嘩咗一聲!」到底哪位參賽者魅力非凡,能夠吸引「姜B」注目,成為他眼中的接班人?
撰文:游大東
攝影:陳順禎
短片:呂榮棟、詹郭敏、岑卓熹
剪接:呂榮棟

日前三位大師兄 ── 姜濤(右一)、Ian(陳卓賢,右二)以及Anson Lo(盧瀚霆,右三)收到監製花姐(黃慧君)委派的「秘密任務」,從30位躋身40強的《造星II》新學員當中,各自挑選心目中的奪冠大熱,最終他們三人從30位《造星II》的新學員中,選出82號丘凱雄(Hugo,左一)、14號吳啟洋(Phoebus,左二)和64號洪助昇(Aiden,左三)。到底哪一位是姜B眼中的「冠軍接班人」?(陳順禎攝)

Ian惺惺相惜揀泰裔Hugo Anson Lo讚Aiden高大煞食

今次專訪,偉大的花姐要求隸屬男團MIRROR的三位師兄 ── 姜濤、Ian和Anson Lo從《造星II》裏揀出心水奪冠大熱人選,絕對不能說容易;畢竟現時比賽進程經已去到40強,賽事愈見艱辛,新學員能夠排除萬難獲得評判賞識留在擂台上,必定有其個人之處,而且彼此實力差距極細,他們仨在工作超級繁忙的情況下,要記清楚所有人的名字、外表還有賣點,再逐一比較,繼而得出最後答案,於受訪時具體告訴記者自己的想法,難度達五星星。

到底他們點樣揀?逐個講!首先出場的是MIRROR隊中的「唱家班」Ian,他的心水大熱門,是今年26歲,有泰國血統的82號參賽者丘凱雄(Hugo)。「初初睇佢哋第一輪表演嘅時候,我就比較留意唱歌多啲嘅,Hugo唱歌真係好好聽,佢一開聲就可以令你覺得,佢表演嘅嗰幾分鐘係會全程咁望住佢。」Ian強調,無論是Hugo的唱歌技巧、聲線以及台風都非常之好,咦,這不就是花姐與歌迷喜歡Ian的原因嗎?果然是相惜。

輪到跳舞最強的「教主」Anson Lo,他尤其看好於賽前已成為頂頭大熱兼傳媒焦點的64號參賽者洪助昇(Aiden)。「我覺得Aiden本身嘅外型其實好吸引,因為佢夠高大,一定好煞食,同埋我好欣賞佢識得自彈自唱,佢嘅『殺手鐧』係自彈自唱一啲抒情嘅慢情歌,我自己就覺得好冧。」查實Aiden只比Anson Lo年輕一歲(後者1995年出世),而且兩位在參賽期間,一早已被歸類為「好靚仔」的類別,經常吸引很多女粉絲找他們合照「集郵」,所以今勻Aiden獲「教主」青睞可謂相當合理。

當知道自己成為「姜濤接班人」的理由後,Phoebus(左)受寵若驚。「因為佢講到(我)好勁,好似勁過佢,係冇可能,真係冇可能,因為我睇佢嘅個人音樂會表演啦,佢而家喺表演上所有嘢都好成熟,所以我覺得要贏佢真係冇可能,但我覺得唔會攞佢嚟比拼,希望嚟緊比賽大家都可以學多啲嘢!」作為一個22歲的小伙子,上述這個答案我收貨,但坦白講,太過客套,太過謙虛了。需知道,在演藝界這個「廝殺戰場」裏,要比拼的不是一瞬間,而是「鬥長命」,今天於舞台上演出的各種技術未必如姜濤般那麼成熟利落,但只要堅持努力,持續進步,誰說得準將來的Phoebus不能超越姜濤?(陳順幀攝)
今年26歲、有泰國血統的丘凱雄(Hugo)感激Ian(陳卓賢)賞識自己。感激Ian選了自己,難掩興奮。「因為Ian喺上屆賽事入面,算是唱歌比較穩定比較好的參賽者,所以得到佢嘅肯定,我真係好開心,而家佢咁欣賞我,又推薦我,我覺得喺呢個比賽上,係一個好高嘅Honour(榮耀)。」Hugo承認現時要刻服的是跳舞,「好弱呀,我呢一環,或者可以話係一個我好唔擅長嘅領域,但透過不斷練習,其實係慢慢知道點樣可以(在舞台上)表現到自己嘅地方,就算舞步未必做到好完美,但都可以展現到自己嘅性格。」其實去年Ian參賽,跳舞也是他的弱項,所以二人互相欣賞彼此,說來也是因為他們很相似。(陳順禎攝)
「教主」Anson Lo貴為第一屆《造星》「舞王」,他認為Aiden外型高大又靚仔,於鏡頭前甚為煞食,對於這位師弟,他說對方進步最大的是舞台上的表情。「Aiden喺第一Round比賽自彈自唱,可能比較緊張,我都明嘅,咁就好似冇乜性格,佢係有Charm嘅,但要笑囉,直到我入組之後,我好似啟發咗佢,(演出時)原來係要電下評判嘅,而家佢就搵到自己左邊嘅側面,佢覺得原來係好睇嘅,佢以前都冇諗過呢樣嘢。」(陳順禎攝)

游大東其他文章:

【全民造星II】星級導師改由陳潔靈擔任 劉美君已錄影片段或全刪

【全民造星II】決賽或對撼無綫頒獎禮  花姐:唔知公司有冇咁諗!

【專訪】憑《我們與惡的距離》首爭金鐘視后  賈靜雯讚劇本出色:睇完就想演

《牛下女高音》獲無綫開綠燈變台慶劇  黃心穎失蹤半年急解凍?

首輪面試對Phoebus印象深刻 姜濤:我係嘩咗一聲!

最「難搞」的可能是姜濤了,始終他是去年《全民造星》的冠軍得主,身上背負不同標籤與代號 ──「妹妹+學生+姨媽+姑姐的至愛小鮮肉」、「嫩版彭于晏」、「超級冠軍」、「香港演藝界未來希望」、「MIRROR焦點」、「ViuTV金蛋」 ── 令他架在頭上的光環閃閃發亮,揚一揚手,已夠矚目,何況被要求挑選接班人,必定會成為粉絲熱切討論的話題吧?!那麼新一屆《造星》裏,他的心水熱門選擇是……「我揀嘅係Phoebus啦,我覺得佢喺我心目中,我記得第一次喺公開面試嘅時候見到佢,我係嘩咗一聲嘅,無論佢揀嘅歌,佢嘅身高(181cm)、外觀呀,同埋綜合喺舞台上表演嘅嗰種Style,都係我鍾意嘅嗰一種。」

記者追問姜濤:你「嘩出聲」是否因為覺得Phoebus比自己更優勝?姜濤點頭並解釋,「雖然今次《造星II》我哋(MIRROR)都有參加,但我唔會成日覺得,我可以教到佢哋(新學員)啲乜嘢,反而我係想喺第二季嘅參賽者入面學到新嘢,我自己嘅心態係咁樣。」坐在另一邊聽到姜濤這樣稱讚自己,14號參賽者吳啟洋(Phoebus)臉上顯得有點難以置信,甚至可以說有點尷尬,想立即說清楚似的,奈何記者點名叫Hugo先說感受,他感激Ian選了自己,難掩興奮。「因為Ian喺上屆賽事入面,算是唱歌比較穩定比較好的參賽者,所以得到佢嘅肯定,我真係好開心,而家佢咁欣賞我,又推薦我,我覺得喺呢個比賽上,係一個好高嘅Honour(榮耀)。」

大概聽到Hugo說出「Honour」這個詞彙,在旁的Phoebus似乎頓時Find a right word去表達自己感受,「就住Hugo咁講,我就有一個好高、高、高嘅Honour!我覺得(姜濤)千祈唔好咁講!」是因為擔心被「姜糖」批評才有如此反應嗎? 「唔係,因為佢講到(我)好勁,好似勁過佢,係冇可能,真係冇可能,因為我睇佢嘅個人音樂會表演啦,佢而家喺表演上所有嘢都好成熟,所以我覺得要贏佢真係冇可能,但我覺得唔會攞佢嚟比拼,希望嚟緊比賽大家都可以學多啲嘢!」至於Aiden知道自己成為Anson Lo的心水人選後亦相當高興。「舊年我係有睇第一屆《造星》,我覺得於過去一年間,Anson佢喺MIRROR入面嘅成長,係令我幾欣賞,尤其係佢首新歌《Be my girl》(與姜濤合唱),我自己好鍾意,所以有佢賞識我,我係好開心。」

姜濤、Anson Lo(左上)和Ian(右上)以師兄身份回歸《全民造星》後,已見證過有新學員出局,他們都說心情依然激動。Anson Lo:「對上一個回合(錄影),我哋有人出局,我自己都有眼濕濕,因為令我諗起舊年我離開嘅嗰個回合,嗰種唔捨得係你回想之前跟隊友一齊排舞,排咗好多個鐘,其實每個人都有努力過,但點解大家嘅結局唔一樣?」Ian說:「我哋入組冇幾耐,同啲組員嘅感情未算係好深,但就會令我諗番起上年嘅情況,就算唔係自己嗰組俾人淘汰,可能係大組入面,隔籬Team嘅,見到佢哋出局,我都有喊,因為諗到大家都有付出好多努力,但未必每個人都能夠幸運地行到背後,就會覺得有啲可惜。」姜濤不說感受,反而是提醒仍然留在比賽裏的參賽者,不要辜負已出局同伴,要繼續努力博盡,「記得火火老師講過,佢話你走嘅每一條路,都係由過往兄弟嘅屍體舖出嚟,所以要盡一切心血去報答佢哋。」(陳順禎攝)
勁爆我撐新人:陳卓賢。(資料圖片)

MIRROR突入《造星II》 Hugo承認初期感不公平

坦白講,上述部份似是互笠高帽多於回答提問,太過客套的訪問,老實說,不會好看到哪裏,所以記者嘗試問得再尖銳點。據之前花姐透露,現時《造星II》的比賽進程已淘汰至40強,當中僅30位是第二屆的新學員,而另外10位是中途加入賽事的MIRROR。這令記者想起,2009年無綫主辦的第一屆《超級巨聲》,節目去到中後段,突然讓有份勝出踢館賽的選手空降參賽,跟原有的參賽者一同爭奪「金咪大獎」,結果當年冠軍是來自江西的踢館者王雯,此舉令很多觀眾不滿,想不到相隔10年這個情況再度出現,雖然花姐早在《造星II》拍攝初期已經有讓MIRROR加入的打算,亦曾在接受訪問時公開預告,但對於新學員而言,還是有點難接受。

Hugo就是覺得這個賽制不公平的其中一人。「一開始我唔係好鍾意呢個制度,原因係我覺得你要將上一屆嘅人,擺落嚟同第二屆嘅人一齊比賽,我會覺得無論係資歷同資源上面都係唔對等。」除非出局,比賽繼續,Hugo開始思考為何花姐要有這個構思時,他開始想通了,「花姐唔會無緣無故搞到最後十強都係MIRROR,即係一定唔會咁樣,咁我就諗到底背後嘅用意係乜,後來返去屋企諗,我覺得可能我亦都接受咗(這個理由),可能娛樂圈呢一行就係咁樣,你唔係同一啲同你一樣嘅人比拼,即係好似MIRROR出道,都係同緊一啲唔同嘅人競爭,只不過我哋係早一步喺比賽面對,同埋佢哋亦都唔係抱住一種對抗嘅心態去對待我哋呢理參賽者,佢哋每個人嘅心態都係想令到我哋能力上有提升,將上屆參賽嘅經驗,放落去我哋身上,令到大家可以搵到自己,做得更好。」而事實上,已有兩名MIRROR成員遭踢出局,無緣繼續參加《造星II》,所以Hugo最初的想法嚴格來說並不成立。

轉眼一年,Anson Lo已由《造星》學員變成師兄,今次花姐派他跟MIRROR其他兄弟回到《造星》「戰場」,難免擔心。「大家成日都話我哋係『前輩』,我就唔係咁Agree,始終我哋都只係比佢哋多一年經驗,但大家都好期待我哋去做一個領隊角色,或者覺得可以教到佢哋好多新嘢,但講真過去一年,我哋MIRROR睇嘅嘢都唔係好多,所以就會擔心,會唔會真係教到咁多嘢畀佢哋呢?」(陳順禎攝)
姜濤說,今次以師兄身份參加《造星II》面對的最大壓力,並非擔心自己揹負冠軍之名但有出局風險,而是工作太忙。「最大壓力,唔係話要喺第二季入面表演,反而係因為要兼顧自己本身嘅工作,再同佢哋(新學員)合作去表演,呢個先係最大問題,因為唔想自己嘅工作拖累咗佢哋參賽。」他又不認自己加入《造星II》是要跟這一季的新學員去「爭Attention」,記者反而笑他:「你唔需紅爭,因為所有Attention都落晒去你身上!」姜濤頓時語塞,無法「反擊」,只有大笑。(陳順禎攝)

Aiden舞技大躍進 Phoebus從觀察中學習

Phoebus與Aiden則坦言知道身為師兄的MIRROR要加入比賽,與自己同台較勁的時候,沒有想過這樣的制度是否公平,反而多謝花姐有此安排。Aiden說,參賽的目標非為攞獎,而是從其他參賽者身上學習,一起成長,「我覺得多了12位師兄(MIRROR)出現,會令我們更加能夠吸收舞台經驗,台上的表演元素會更加豐富,因為我嘅心態係究竟可以喺佢哋身上學到乜嘢,多過呢個制度公唔公平。」Aiden認為自己從MIRROR身上學到最多的就是跳舞,尤其要感激Anson Lo,「佢跳舞真係好犀利,佢能夠將一個完全唔識跳舞嘅人,變到而家叫做『郁得到下』,同埋我而家夠膽喺評判或者鏡頭面前跳舞,亦都可以好自信咁呈現唔同嘅我,所以我係好多謝 Anson Lo。」Aiden又說,為了應付《造星II》每一輪淘汰賽,事前有兩個星期準備,他所屬的那一組,每天就需要在排舞室練習10至12小時舞步,由白天跳到入黑,翌日繼續,每輪至少排練過百小時,認真博到盡。

貴為「姜濤眼中的熱門」,才22歲的Phoebus直言,參賽已經有幾個月,覺得自己在舞台演繹及歌唱兩大方面都有很多進步空間,所以他歡迎MIRROR突入《造星II》。「其實佢哋唔使畀意見我,只要喺旁邊睇佢哋演出,都已經會有好多諗法,你剛才問我,佢哋中途參賽呢件事公唔公平,我覺得冇話公唔公平,因為佢哋入咗嚟之後係啟發咗我哋好多,可能我哋睇番同輩表演,都唔會有佢哋咁熟,始終佢哋已經表演咗一年,你會見到佢哋踩上台,嗰種自如嘅走位,(舞步)運用嘅空間,我們仍然比較弱,所以每次睇佢哋演出,都會知道可以點樣做,令我哋表演進步咗好多。」

ViuTV於上周六(21/9)舉辦的《全民造星II》記者會上,首次「劇透」式公開40強參賽者是誰,花姐事前透露,40強當中有30位是新學員,其餘10人是MIRROR。「至於邊個出咗局,呢個秘密我唔會話畀你知。」