周奕瑋疫情下工作大減重返主播崗位 轉型做YouTuber拍片介紹日本

撰文:
最後更新日期:

周奕瑋(Jarvis)因精通日文而經常被TVB委派去日本拍節目,除了早年夥拍藝人去不同的日本城市拍《3日2夜》、《這個聖誕不太冷》及《街坊廚神舌戰東京》等之外,近年更擔大旗獨自拍《周遊東京》及《周遊關西》而廣受好評受到矚目,事業攀上高峰。可惜卻因為疫情的關係,Jarvis這位「日本通」在沒辦法周圍飛的情況之下工作大減,只能回復之前TVB娛樂主播的身份,甚至大材小用,擔任TVB一些小活動的主持人。

周奕瑋近年因為擔大旗獨自拍《周遊東京》及《周遊關西》而廣受好評受到矚目。(《周遊東京2》圖片)

Jarvis早前現身將軍澳電視城擔任《魅力凝聚新時代2021》的節目主持,他接受《香港01》訪問時自己透露的近況:「其實我舊年開始做兒童節目,都係做啲同主持有關嘅嘢,雖然我多咗一條路可以做旅遊節目,但我做旅遊節目之前,本身都只係一個主持嚟嘅,飛唔到嘅情況之下只好做番自己嘅老本行,專注做主持嘢先。」

Jarvis早前現身將軍澳電視城擔任《魅力凝聚新時代2021》的節目主持。(梁碧玲攝)

他坦言其實自己亦有繼續做旅遊方面的工作,例如寫旅遊專欄或出席旅遊分享會,只是自己無法親身飛到當地拍攝:「我自己都有做好多功課,以日本為例真係有兩年冇去過,好驚突然有一日飛得番嘅時候,可能有好多新嘢開咗或者一啲搵咗嘅地方做唔住(而倒閉),所以都會keep住吸收新資訊,可以即刻知道有咩介紹到畀大家。」

Jarvis坦言會努力裝備自己,有得飛的時候再介紹好地方給大家。(Instagram:@jarvischow)

Jarvis笑言自己亦有努力轉型做YouTuber,在四個月之前開始拍片向觀眾介紹更多日本的新資訊:「以前去工幹拍旅遊節目都會有啲自己私下拍嘅片段,舊年冇嘢做就碌下自己部電話,發現有好多片拍咗喺度,我就將嗰啲片剪出嚟做一個未曝光嘅旅遊節目出嚟!同埋我開咗YouTube Channel之後就可以做到好多想做嘅嘢,自由度會大少少,包括去探索下日本旅行嘅冷知識、日本文化等等。」他又表示自己有開一個叫《周遊學》的系列,專門介紹一些日本電視台或節目內的隱藏規則、或者去旅行時一些不為人知的冷知識:「當然電視節目我都想拍,雖然少咗喺電視上嘅曝光率,但我都喺其他平台努力去做,希望大家都會見到我嘅存在!」

Jarvis在四個月之前開始拍YouTube向觀眾介紹更多日本的新資訊。(YouTube:周奕瑋JARvelogue)

Jarvis表示已經兩年沒去日本。(Instagram:@jarvischow)

點擊觀看更多周奕瑋的照片:

+11
+11
+11


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。