王羽離世|薛家燕大讚對方為人幽默有大哥氣派:希望佢一路好走

撰文:吳子生
出版:更新:

薛家燕今日(5/4)現身長沙灣出席「抗疫關懷表愛心」物資移送儀式。提到有「獨臂刀王」封號的資深演員王羽,今離世消息,家燕姐心感難過:「其實我係喺Facebook 度睇到呢個消息,咁我就即刻留言同Linda(王馨平)講,叫佢節哀順變。而我同王羽大哥佢好耐冇見,我就係Linda上我嘅節目《流行經典50年》時,我就問過佢爸爸好嗎?而近年我亦知道王羽大哥身體唔係咁好,一直都有病。但冇辦法佢都80歲,當然佢離開我哋係好可惜嘅。我認識嘅王羽大哥為人幽默,又有大哥氣派,難得一位巨星,我哋永遠懷念佢亦都希望佢一路好走。」

王羽離世薛家燕感到哀傷。(陳順禎攝)
你可能感興趣