無懼納米樓崩盤　投資者318萬買環海．東岸開放式　上手輸逾一球

市區納米樓續以蝕讓成交為主，有「劏房之城」之稱、一梯36伙的紅磡環海．東岸，新近有一伙開放式單位以318萬元沽，原業主持貨4年轉手，帳面輸超過一球。據知，新買家為投資者， 首次入紅磡區睇樓後即決定入市單位收租。

中原地產高級分行經理葉文浩表示，是次成交為紅磡環海．東岸1A座中層N室，實用面積194平方呎，屬開放式間隔，座向北方，可望開揚城市景。原業主因有意賣樓套現，終以318萬元沽出，呎價16,392元。

↓↓環海．東岸1A座中層N室↓↓

首次入紅磡區睇樓　即決定入市收租

至於新買家為投資者，首次入紅磡區睇樓，即睇即決定入市作長線投資收租。參考屋苑同類型單位市值租金約1.25萬元，料租金回報為4.7厘。

據知，原業主於2020年3月以435萬元買入單位自住，持貨4年，是次轉手蝕讓117萬元，單位期內貶值27.9%離場。