麻糬食譜|日本年糕變煙韌朱古力麻糬 加1種調味帶出可可香氣

撰文:鄧穎琪
出版:更新:

麻糬是筆者最愛,煙韌的口感非常討喜!雖然本身冇味,但這反而讓它非常百搭,像台式那樣配花生粉、日式配抹茶粉皆可,今次筆者就實試了一個超簡單卻美味的朱古力麻糬食譜,2分鐘不用就完成!

近日從日本網站看到非常多的年糕食譜,稍後將整理一個年糕食譜合集,在這之前,筆者已深深被其中一個朱古力麻糬食譜吸引,決定必須實試一下。麻糬、白玉、糯米糍等等都是類似的東西,筆者試過用糯米粉自製牛奶麻糬,但太黏了,弄起來有點狼狽。而用現成的日本年糕替代,就省卻了自製麻糬的步驟,拌勻材料再加熱,配上你喜愛的味粉就輕鬆完成啦!

自製朱古力麻糬步驟非常簡單,此食譜更省卻用糯米粉加熱成麻糬的步驟,很適合新手!

剛叮好的麻糬熱騰騰,冬天食用格外有種溫暖感。今次的朱古力麻糬食譜,只用微波爐加熱1分幾鐘即可完成,最後蘸上的可可粉,由於本身無糖,原食譜建議用1:1比例加糖,最後再加少許鹽,更能帶出可可香氣。不過筆者實試過後,覺得可可粉味道偏淡,建議再加多些糖會更好。

請按下圖睇如何自製朱古力麻糬:

+4

朱古力麻糬食譜

材料:
日本年糕100克
牛奶1湯匙
砂糖1湯匙(拌年糕)
牛油10克
可可粉1湯匙
砂糖1湯匙(拌可可粉)
鹽少許

做法:
1.在耐熱碗放入年糕、牛奶和砂糖。
2.加蓋或微波爐保鮮紙,放入微波爐以600W加熱1分40秒。
3.取出年糕後以牛油拌勻,切成2等份(或更細亦可)。
4.可可粉、砂糖與鹽拌勻,蘸麻糬同吃便成。