nites.tv過萬套電影美劇香港人都可免費任睇?疑似盜版網小心被駭

撰文:林勇
出版:更新:

【抗疫留家煲劇】在家抗疫時睇戲煲劑大都是最佳消磨時間的方法,最近香港不少影片串流服務,如Now E、HMVOD等都推出限時免費給大家留家煲劇。不過最近網絡熱傳美國大型電影網站「nites.tv」,都因為鼓勵大家留家抗疫,因此免費開放絡大眾免費任睇多達萬套荷里活電影、美劇等...不過咪住,這個串流網站實在有太多可疑的地方,大家一定要小心。

nites.tv有多達萬套電影、美劇任睇(電腦截圖)

過萬套荷里活、美劇任睇

大家一上nites.tv網站,便會發現非常簡潔而有點Netflix影子的網頁設計,毋須登入便可以睇盡內有大量荷里活電影及美劇任串影片。最新如《上流寄生族》、《小丑女》等電影、《Westworld第三季》都可以有1080p高清串流播放,電腦、手機都可以隨時播放,亦可以利用Apple TV投影上大電視。另外,全部影片都沒有廣告,亦都沒有封鎖海外用戶,亦即是香港人都可以睇到(只有英文字幕)!而官方在FB及Twiiter都呼籲大家留在家中睇戲,不要外出,因此就完全免費提供給所有用戶,好像非常佛心。

↓↓↓↓nites.tv內裡提供大量電影任睇↓↓↓↓

+3

記者細心留意,此網站於2019年尾開設,內裡已經有過萬套荷里活大作及美劇,實在非常厲害。不過,奇就奇在當睇片時有得選擇「Download」,而且會download「種子」讓用家可以BT下載,這一點無疑令記者產生疑惑。究竟這個影片串流網站是否「正版」授權播放呢?

繼續找尋影片時,就連一向非常著重版權的Marvel、Disney的電影都有得免費睇,如最新一集《Star Wars》、《Avengers系列》,就更加令記者深信這個串流影片網,很大機會並非合法片源串流網站。另外,在網上有不少「nites.tv」的Android apk,但「官方」指他們暫時未有手機app推出,這些apk就更加可疑。

雖然「nites.tv」暫時並不需要用家登記任何資料,以及沒有任何廣告,但一般人不知道網站將來會否隱藏病毒或釣魚程來盜取電腦內資料。想睇免費電影內容?大可以選擇Apple TV、Now E等服務,都有大量電影、劇集任睇任播(下文有教學)。

>>>【煲劇抗疫】Now E 免費 2 個月任睇 簡單申請步驟教學

>>>Apple TV+ 復活節限時免費 煲劇名單登入方法教學