居屋悲歌|港男為「優先揀樓」生仔 力數5大問題斥騙局:被玩殘
【居屋2025/居屋2024/觀塘安柏苑/東涌裕興苑/啟德啟盈苑/屯門兆湖苑/油塘高曦苑/揀樓/家有初生優先選樓計劃】2024年攪珠的「居屋2024」正在發售,但透過「家有初生優先選樓計劃」優先「揀樓」的港男因未能選到心儀市區單位,於討論區發文力數5大問題,斥責被政府及房屋署「玩殘」,「為咗層樓我連仔都生埋……點知真是一個天大嘅笑話,政府同房署真係玩晒我哋呢班苦主!點買啊?」。
帖文引來網民熱議,大部份都不認同樓主所說,「X你咪唔好買囉,畀得幾廿萬有間屋仲想點」、「發窮惡?」、「用社會資源喺到厭三厭四,送埋半山畀你住好冇」。也有人為樓主小孩感到可悲,「生仔為抽居屋?黐X線,邊有人咁onX」、「個細路咁樣出世真係好可悲」。

2024年攪珠的「居屋2024」,發售單位包括觀塘安柏苑、東涌裕興苑、啟德啟盈苑、屯門兆湖苑和油塘高曦苑,以市價七折出售,售價143萬至467萬元,目前正在「揀樓」發售。
相關報道:居屋2024揀樓│售179伙 高曦苑家有長幼配額用盡 兆湖苑沽66伙
港男為居屋「優先揀樓」生仔卻不似預期
不過該港男於連登討論區以「X你呢期居屋真係onXX」為題發文,指2年前為了「單位大啲」、「近市區」,於是「生仔」趕上「家有初生優先選樓計劃」購買居屋,沒想到不似預期,「我連仔都生埋……收到抽籤號碼嗰陣,條數計過,覺得大單位定中單位都好有機!點知真是一個天大嘅笑話,政府同房署真係玩晒我哋呢班苦主!」。
樓主憶述,居屋開賣第3天,他收到房屋署信件指「有份揀樓」,隨即開心到上網找居屋「揀樓」攻略,「研究點揀最好,點樣拎個靚位」,詎料到他「揀樓」時,市區單位「家有初生優先選樓計劃」配額早已用完,他只能選擇偏遠或非市區單位,批評「得返啲東涌、屯門、安達臣嘅樓!X你個街,話好的市區靚樓呢?話好的優先揀樓呢?全部都同我講冇我份!為咗層樓我連仔都生埋,仲要我揀屯門?你係咪黐線呀,政府?」。
居屋2024揀樓次序:
居屋2024「家有長者優先選樓計劃」及「家有初生優先選樓計劃」配額:
列5大問題斥「居屋家有初生優先選樓計劃」是「騙局」
樓主又列出5大問題,形容「優先揀樓」是「大騙局」,包括「靚盤無份」、「多數偏遠盤」、「揀樓流程亂」、「交通費貴過租樓」、「等候上樓時間長」。
居屋揀樓問題1:靚盤無份
樓主稱,「靚盤」早已被「高分人士」及「白表大戶」選走,到「家有初生優先選樓計劃」申請者「揀樓」時已無法購買「靚盤」,「點會留低靚位畀我哋呢啲『家有初生』嘅苦主?」。
居屋揀樓問題2:多數偏遠盤
樓主續說,居屋大多屬於「偏遠盤」,「市區盤」比較少,「佢哋成日話有幾多幾多單位,實際上好多係偏遠盤,市區盤少得可憐,分分鐘得嗰十幾個單位喺市區,仲要俾人搶晒!」。
居屋揀樓問題3:揀樓流程亂
樓主形容「揀樓流程亂過亂葬崗」,「通知你揀樓嗰陣唔講清楚額度用晒,仲要你白行一趟,X街,係咪專登想我哋空歡喜一場?」。
居屋揀樓問題4:交通費貴過租樓
樓主稱,居屋屯門、東涌等「偏遠盤」,生活上要支付大筆交通費,「交通費貴過租樓,返工返到X街,呢啲係咪真心幫人?」。
居屋揀樓問題5:等候上樓時間長
樓主表示,「揀完仲要等幾年先有樓住,其間地價、樓價又升,仲要畀貴租住劏房,等到你懷疑人生!政府同房署真係玩晒我哋,X,連仔都生埋仲畀你玩到咁?」。
網民批港男不知足:有得揀仲嫌三嫌四
然而樓主言論未獲網民支持,反被「圍攻」,「身在福中不知福」、「X你咪唔好買囉,畀得幾廿萬有間屋仲想點」、「交通費貴過租樓?你下下搭的士?」、「發窮惡?」、「個個都要靚嘅位,邊個要啲唔靚嘅位?你唔要總有人要」、「有得揀仲嫌三嫌四,唔好要囉」、「用社會資源喺到嫌三嫌四,送埋半山畀你住好冇?」。
也有人為樓主小孩感到可悲,「生仔為抽居屋?黐X線,邊有人咁onX」、「個細路咁樣出世真係好可悲」、「為咗層樓生仔?政府有話包市區大單位?」。