【公屋／公屋輪候／公屋設計／公屋奇則】常說「得公屋者得天下」，但獲派公屋也未必人人如意。本港Facebook群組「公屋討論區」瘋傳一段公屋「凹」字形奇則1人單位影片，奇形狹窄大廳連接如同走廊的L形長條通道，盡頭只有一扇鐵窗。上載影片者證實是天水圍天耀邨Y3型公屋，感嘆：「咁嘅形點擺嘢？」

公屋「凹」字奇則震驚網民，有人批評設計差，「仲衰過劏房（現稱簡樸房）喎！」、「真係好想知道係咩人，設計出咁嘅形狀嘅公屋」、「放張床都冇晒位，衣櫃，電視點放？」。不過也有網民認為有公屋住已是好事，「你唔想要就繼續等啦，後面仲有大把人想要」、「身在福中不知福」。

這個公屋單位間隔備受關注。有網民於Facebook群組「公屋討論區」發布公屋單位內部影片，顯示奇特的「凹」字形公屋單位間隔，疑惑：「咁嘅形點擺嘢？」

【影片直擊】天水圍公屋「凹」字奇則！狹窄長條通道只有一扇鐵窗

從影片看到，單位屬於未經裝修狀態，從大門直入即看到一個長方形大廳，大廳右側轉角位連接住廁所及廚房，左側則連接住一條狹窄疑似走廊的長條通道，通道盡頭有一扇鐵窗，估計作睡床空間之用。「通道」、「大廳」、「廁所」及「廚房」位置，形成了像是「凹」字的佈局。

網民爭議：設計差衰過劏房 VS 身在福中不知福

網民對公屋「凹」字奇則感到震撼，有人批評設計奇怪：

「咁奇特嘅，成個凹字格局」

「未見過咁差嘅設計！」

「仲衰過劏房喎。劏房都四四方方！而且公屋都係住一世！劏房唔啱可以搬！」

「起屋有冇諗過點住呀？」

「晚晚都在預演瞓棺材」

「廁所咁細，同埋窗口嗰度有條空隙，實用面積細咗」

「真係好想知道係咩人，設計出咁嘅形狀嘅公屋」

「同劏房一樣，放張床都冇晒位，衣櫃，電視點放？」

但也有網民認為有公屋住已是好事，不應「身在福中不知福」：

「一人，唔使共用廁所，收貨了」

「你唔想要就繼續等啦，後面仲有大把人想要」

「一個人住，仲想有咩要求？有落地方落腳都偷笑」

「自己去買啦？想買點大都行」

「公屋是改善香港巿民生活質素，不是要豪華設計」

「幾百蚊租金點解唔住？嫌三嫌四，幾百蚊想租幾千呎」

「係堅會住，你畀我我即住，身在福中不知福，我哋租都幾千住個（單位）細到咩咁」