去完日本在港買手信?打工仔掃零食扮旅行帶回 網民點出1大破綻
人到日本旅遊,回港後為同事準備手信,對不少打工仔而言猶如辦公室不成文規矩。不過,香港有不少日本直送的零食出售,手信一定要從日本帶回嗎?近日有網民分享「慳錢慳力」妙招,透露在本港零食店掃貨,打算扮作日本手信派給同事,直指省卻搬運,又能騰出行李空間多買心頭好。網民隨即警告包裝標籤可能令計劃「穿煲」,更有人分享忘撕貼紙的尷尬經歷。有人笑言,買手信不難,難的是如何瞞過眼利同事。
在港掃日本零食扮手信 樓主拆開派避穿煲
樓主在社交平台表示,剛在本港連鎖零食店買了一堆日本製零食,打算「遲啲扮日本手信派俾同事」,問道「其實有冇人都會咁做?」。樓主更指「順便支持下香港鋪頭」,又「唔使從日本搬嚟」,行李箱便「多啲位買自己嘢」,直言「真係一舉多得」。
網民揭食品標籤破綻 樓主拆開派避穿煲
有網民提醒「記得搣乾淨啲food label」,事關包裝背面可能貼有香港食品標籤。樓主直言早有對策:「專買一包內有獨立包裝,拆開派,無人知」。
根據食物安全中心,第132W章規定,除獲豁免或另有規定外,預先包裝食物須以中文或英文等合規方式標示名稱、配料及保質期等資料。因此,只有日文標示的進口零食在港出售時,往往須另貼標籤。
有網民自爆曾買一大堆零食,卻忘記包裝貼有本地店舖貼紙,結果「至今已經兩年冇同親戚食過飯、見過面、傾過偈」。有人稱同事從歐洲帶手信,聲稱「食完冇得食」,豈料隨即發現香港零食店有售。另有人在泰國旅行忘買手信,回港才到泰國士多補購,笑言:「啲同事仲話泰國風好好食,吹漲!」
富士山手信手提回港 竟發現香港有售
另一網民稱曾在富士山買造型朱古力餅,怕寄艙壓爛而一路手提,回港才發現「Donki原來有」,慨嘆「以後都喺香港買算,又可以慳行李位」。原來辛苦護送回港的零食,在香港已經買得到,實在哭笑不得。
有人認為本港部分日本零食「價錢同日本買差不多,有啲仲平過」,更建議「可以試吓溝啲七仔嘅貨」。有人分享更高招,曾在日本藥妝網站下單,由大阪直接寄到公司,「連label都唔使搣」,還能說是特意寄給同事,笑稱「仲好似好有心咁」。
日本退稅新制上路 買幾包零食未必退到
有網民坦言「嚟緊可能咁做,退稅太煩了」。日本自2026年11月1日起改行「先付後退」,旅客須先付含稅價格,離境時經海關確認帶貨出境後才可退款。新制一般保留同店同日稅前5,000日圓的最低門檻,若只買幾包零食未達金額,本身就不符退稅資格。
派手信是心意還是職場包袱?
有人堅持「我如果買手信送人,一定買香港冇得賣嘅」,亦有人直斥「寧願唔派,俾人發現勁寒酸加小家」,甚至反問「2026年啦仲派手信」。有人重視手信是否當地購入,有人只求禮輕情意重。原本一招慳行李位的方法,意外揭開打工仔旅行後的送禮壓力。