【辦公室政治】山頭文化老是常出現 下屬隨時中伏:做細嘅好慘

撰文:
最後更新日期:

近日,汪明荃在大台的頒獎禮中坦然地發表對公司的期望,希望公司加人工、增加休息時間、多些關心員工,而「山頭文化」則要少一點,以發掘和挽留更多人才。

其實這番說話根本適用於所有辦公室,而且高層權鬥有時更不為薪金權力,只為娛樂,難為了下屬!

汪阿姐嘅言論贏盡掌聲。(電視畫面)

雖然俗語有云「一山不能藏二虎」,但一個辦公室卻可以有多個經理級職位,結果一片山頭,群雄割據,波譎雲詭。為了增強勢力,每個山頭都會大搞小圈子「招兵買馬」,背後又大放暗箭,以求削弱對手的「攻擊力」。

聽起來誇張,但劇情卻是天天上演。有網民在討論區大呻被辦公室政治所害,高層為求自保,只得推下屬犧牲小我。其他網友反應平淡,有人更直指「就算政府最冇利益衝突嘅地方,一樣有呢啲人呢啲事」,又說「最恐怖是,鬥來鬥去原來唔係為咗錢,純粹為娛樂而搞事」!

網民經驗及意見:(按圖放大)

網民親身經驗,做細嘅好慘呀!(網上擷圖)

+2

高層大搞「山頭文化」,下屬只能苦不堪言。慘狀至少有三點:

1. 工作舉步維艱,隨時踏中地雷

網民親身經驗,當公司的高層拚個你死我活、公司「七國咁亂」時,就很容易有報復心理:你郁我下屬、我跣返你下屬,結果做細的,天天上班如上戰場,明槍易擋,暗箭難防,結果很多同事受不了自行呈辭。

2. 「埋堆」如賭博

無論機制如何,辦公室都是「人治」的地方,愈得老闆寵愛,愈多特權和上位機會,當中雖然有不公平,但也無從否認。人人都知跟「winning team」有運行,但新仔入職,只能聽從公司安排,萬一被編入被打壓的團隊,但求同事團結、互相支持,否則只能自求多福。

3. 禍從口出,升職無緣

人多的地方便有是非,辦公室必有一個「是非精」在左右。工作時,免不了對公司政策、工作流程感到不滿。你以為身為一個小薯,人微言輕?一旦說了出口,落入其他「山頭兵」耳中可能記在心中,有朝一日在老闆面前大造文章,日後你想升職加薪可能就難過登天!

高層鬥到你死我活時,是不會理會下屬死活的。(《誇世代》劇照)

工作上有不懂的,還可以靠自學來應付,但職場從來都是一個以人際關係為基本的地方,有些處境可不是單憑一己之力便能改變。身為下屬的,爭又不到自己爭,想置身事外卻又不容易,若打工仔不幸每天身處這樣的戰場中,建議還是以自己前途及個人成長作考量,或是如資深藝員劉江回應汪明荃的說話般:「其實所謂嘅山頭文化,我哋唔會去理,做好自己。尤其我自己嘅感覺,就係你覺得需要我咪嚟搵我,我就無乜所謂嘅。」

對打工仔來說,山頭鬥爭的事情還是少參與為妙,若然真的受不了,或許就如以上一位網民所說般:都係走為上着啦!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。