【惡頂同事】擦鞋仔未算最討厭? 即睇10大辦公室難頂同事排名

最後更新日期:

人一生有三分之一時間都係返緊工,所以一個好嘅工作環境真係十分之重要㗎。有人話返工就係出賣自己靈魂,但如果有好同事可以carry吓你就當然最好啦,若然無,都至少希望對方唔係一個豬隊友。DailyView今日用網路大數據調查咗呢十樣職場同事最難頂嘅行為,坐你隔離嗰個有無中呢?

人生有三分之一時間都返緊工,一個好嘅工作環境真係好重要。(《華麗上班族》劇照)

DV小教室:網路溫度計透過《KEYPO大數據關鍵引擎》大調查觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

【職場人際】辦公室有真友誼? 從6大特徵判斷同事是否機心重

【職場人際】WhatsApp Group與同事溝通4大守則 減少表情符號?

10) 人前人後兩個款(314筆)

俗語都有話:「唔怕真小人,最怕偽君子」,相信大家由細到大都一定遇過唔少雙面人,特別係喺公司呢個是非之地,就算唔勾心鬥角,一旦牽涉到自己,好多人都會變得自私。無論係平時生活上定工作上,最怕就係人前同你好熟咁,轉個頭走去講你壞話,甚至督你背脊。明明睇穿佢,揭穿又怕大家尷尬,唯有當笑話睇佢表演下演技啦。

10) 人前人後兩個款(314筆)(unsplash@john-noonan/香港01製圖)

【職場文化】公務外的壓力更大? 5個令人心累的辦公室文化!

9 )擦鞋搏上位(338筆)

出到嚟社會,喺公司入面難免有好明顯嘅階級觀念,對住比自己職位高嘅「高層」,即使你睇佢唔順眼,唔多唔少都要恭恭敬敬,相處嘅時候要特別注意。不過唔少人為咗討好老闆,唔理三七二十一都奉承咗先。其實人哋無錯嘅,若然老闆係受呢一套,放低尊嚴氹得老闆開心,日子應該會好過D,不過就難為身邊人忍受呢種咁假嘅行為囉。

9 )擦鞋博上位(338筆)(unsplash@nick-karvounis/香港01製圖)

8) 當年勇無限loop (417筆)

逢親同老一輩講起D咩,一同佢地唱反調,佢哋就會話:「我食鹽多過你食米啦!」每次聽到都真係幾抆憎,雖然以前經驗係好值得我哋學習同參考,不過成日提住自己當年又有咩用呀?開口埋口都只可以講自己以前點,倒返轉嚟睇都表示你依家停滯不前。時代一直進步,人要向前看,唔肯接受新事物遲早被淘汰。唔好留戀過去,面對現實啦!

8) 當年勇無限loop (417筆)(unsplash@dmitry-ratushny/香港01製圖)

7)無EQ 亂發脾氣(451筆)

返工難免遇到唔順利嘅事,每個人都有自己情緒,可能有時會控制唔住自己,一次半次都可以體諒吓。不過有小部分人就唔會理人感受,隨便發脾氣發洩情緒喺人地身上,小編自己就試過遇到一個上司成日突然大聲對合作廠商發脾氣,作為上司,咁大個人都咁失控,其實都幾失禮㗎,不過當然佢本人可能唔覺得影響到自己形象又影響到人……

7)無EQ 亂發脾氣(451筆)(unsplash@priscilla-du-preez/香港01製圖)

▼▼按圖放大,看其餘六個「扮工室」難頂嘅同事行為▼▼

+8
+7
+6

分析說明:

本研究資料由《KEYPO大數據關鍵引擎》提供,分析時間範圍為2019年05月10日至2019年08月07日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『職場同事最難頂嘅行為』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

呢十樣職場最頂唔順嘅排行,坐你隔離個個有無中呢?(DAILYVIEW@授權使用)

延伸閱讀:

中國人毆打香港留學生?義守大學連儂門引爆中港衝突!

去一次就討厭的城市?又髒又亂態度差 網友一面倒選亞洲的「它」

香港十大政論節目名嘴!反送中大熱嘅吳志森竟然只得第七名?

【本文由「DailyView網路溫度計」授權轉載,研究資料由「KEYPO大數據關鍵引擎」提供。】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。