「桔梗」生意差網上告急 網民唔撐反數N宗罪掀罵戰:服務似澳牛

撰文:番茄妹
出版:更新:

台灣人氣過江龍Cafe桔梗一直受年輕人歡迎,亦是不少人的打卡勝地,近日桔梗於社交平台上卻向網民宣布告急,表示自第一次暫停晚市後,生意「久久未能恢復」,至今生意累積下跌6成,望網民能伸出援手,在聖誕節前多多支持。但有不少網民對其「求救」並不賣帳,更力數餐廳不論是態度,服務,食物等質素都頗為惡劣,但亦有網民表示餐廳食物質素尚可,懷疑有人亂帶風向。

圖自桔梗Facebook

台灣桔梗於2019年登陸香港,憑住餐廳原木的裝修風格,落地玻璃的設計,加上餐廳坐落於旺角鬧市,地理位置便利,因而餐廳變成不少年輕人打卡和聚腳的勝地。但於10月9日,桔梗在Facebook專頁帖文稱「不得已要宣布一次」告急,因餐廳經歷了兩年多的疫情政策,於第一次的晚市暫停後,至今生意額已累積下跌達6成。餐廳更表示至2019年起,「一直堅持不賣慘不吐苦不收捐款」,但隨著時間日子的消磨,生意到達今年的淡季。因而希望大家能在聖誕節前多多支持,令大家一直守護的人、事、地可以廷續下去。

👉港女主動追求180大隻仔 床事驚覺對方「芝士腸」感失望:想分手

但「告急」貼文一出,即引起網民激議,隨即更演變成雙方罵戰。有網民怒訴表示「真係幫唔落」,更有不少網民力數餐廳多宗罪「價錢又貴嘢食又細,餐具自己執,食野要受氣仲夠膽收加一」,「服務態度差到我以為去咗澳牛」,「食物質素好難忘,世界級咁難食」,有網民更帖出疑為當時於桔梗所點的餐點,表示「你碟嘢咁樣樣,食過一次都冇再去過」,圖中食物呈全黑色,令不少網民笑「諗緊係咩嚟… 我只係見到中間有隻猩猩係度」,「廚師肚痾?」,更有網民表示「真係好嘔心,咁都未執已經係神蹟。」

圖擷自桔梗Facebook專頁
圖擷自桔梗Facebook專頁

👉鄉下仔出城讀書決做壞男孩 4男夾錢包養1女玩混戰 價格震驚網民

但有部分網民認為餐廳的質素並沒有另一方網民所講如此惡劣,「真心,你哋嘢食好咗好多好多,純粹講食物質素,係一定會再幫襯的」,「無問題呀,會嚟幫襯!加油!」,亦有網民表示懷疑有人帶風向「食物質素OK正常啊,d hater 最鍾意話d嘢難食,感到有人亂帶風lor!」。

餐廳其後亦於Facebook上回應指「由於已經天光,不想不同立場的留言變成罵戰」,帖文表示開post前已經有心理準備會有不同意見,會接納意見及檢討改善。承認早年的服務問題小店已有改善;至於價錢和食物份量味道問題亦會參考市場作出調整等等。但回應卻令部分網民對其態度更為不滿「「由於已經天光,不想不同立場的留言變成罵戰」就憑你呢段,已經睇得出你哋啲態度有幾自以為是」,「重點係服務態度差呀!咁都唔明!」,更表示「咁多人話都唔識檢討,執咗佢啦!」。

同場加映:野人老師|Stanley角色借鏡呢位名師?揭香港10大補習天王近況

Viu TV原創劇《野人老師》正在熱播,鏡仔的邱士縉(Stanley)和陳瑞輝(Frankie)於劇中飾演補習天王,演技大獲好評,連鄭丹瑞(旦哥)都對兩位的演技和努力讚賞有加。其中Stanley所演的「雙失」補習名師,角色令人注目。有網民發現其角色竟疑似借鏡一位香港的補習名師,更有網民問到「香港那些年的補習天王依家變成點呢?」

👉野人老師|Stanley角色借鏡呢位名師?揭香港10大補習天王近況