大叔的愛|集氣開電影版 Edan預告︰Francesca同Stanley會濕吻?

撰文:沈洛嘉
出版:更新:

由MIRROR成員Edan(呂爵安)、Anson Lo(盧瀚霆)、Stanley(邱士縉)、黃德斌、簡慕華、陳子豐、練美娟以及Asha(徐㴓喬)等人主演的ViuTV電視劇《大叔的愛》昨晚(17/7)播出大結局後,眾人都表示不捨,更拉埋監製揚言叫觀眾要集氣開電影版!

Edan跟Anson Lo情愛一吻。(影片擷圖)

昨晚(17/7)播出大結局後一眾演員都有在Facebook上開Live大講感想,由於眾人都非常不捨等劇終,紛紛表示好想原班人馬開拍續集或電影版。

當中劇末Edan反攻Anson Lo獻吻令到不少網民都睇到心心眼,更有人指出自己狂loop該幕,好唔捨得睇完,而Edan就在Live中提及:「如果要拍電影版,開頭就要由個幕開始!」令到其他演員都即時歡呼。

簡慕華準備好電影版CONFIRMED的紙牌。(影片擷圖)

事實上《大叔的愛》電影版一事當然未落實,不過練美娟表示相當有信心:「講就係嫁喇!講就有嫁喇!」而Asha都指出Live很多留言都是提出要開拍電影版,及後Edan再提出:「聽聞電影版KK同Darren都會濕吻!」即時令黃德斌都呆一呆回應:「你問咗Darren太太未啊?」而Edan繼續發揮小宇宙:「我肯定如果有電影版Francesca同Stanley肯定會濕吻先囉!」大家都笑指這個問題不大,肯定有得睇!

Anson Lo表示拍電影版Francesca同Stanley一定走唔甩要錫錫。(影片擷圖)

監製Tommy後來加入Live首個問題即問:「點啊?集氣開電影版好冇啊?」眾人即時興奮大叫好,而Anson Lo:「咁突然嘅?喺到宣布啊?」Tommy回應:「唔係宣布,係叫你哋集氣啊!」不過娟姐就講到都會考起Tommy,因為要繼續拍都要考量大家的關係要如何再發展下去,簡慕華跟Asha更自備紙中講下「CONFIRMED」意指「鐵定」會開拍電影版!Stanley都有回應:「咩都出晒,電影版就冇嘢睇㗎喇!」所以觀眾想再睇多點的確要俾力集氣啊!

監製Tommy以及一眾演員都叫大家要集氣開拍電影版。(影片擷圖)
+26