奇異博士2｜柏德烈史釗活回應「X教授」現身預告：有人扮我把聲
撰文：陳穎思
出版：更新：
Multiverse of Madness）日前推出次回預告，訊息量爆燈引起網民熱議，其中最令粉絲興奮的是，在《變種特攻》（X-Men）系列中飾演「X教授」的柏德烈史釗活（Patrick Stewart），疑似在預告中獻聲，等足咁多年變種特攻與復仇者聯盟終於要合體？但柏德烈的回應就似乎向大家潑冷水。
《奇異博士2》中疑似出現「X教授」。（影片截圖）
柏德烈史釗活受訪被問到其飾演的「X教授」是否會在《奇異博士2》登場，他隱晦地答：「我唔睇社交媒體，主要係時間問題，但我必須講，星期日晚臨瞓前，同好多朋友以及一啲我唔識嘅人交流，佢哋提到《奇異博士》預告：『啊，係咪你啊？係咪你啊？』我只係喺屋企等睇波，所以點可能係我，我們拭目以啦係咪？」
柏德烈史釗活曾說過2017年上映的《盧根》給予「X教授」最好的結局。（電影截圖）
在另一個訪問中，柏德烈的解釋仲離譜：「你知啦，60年前開始就有人模仿我把聲，所以真係唔關我事。」究竟「X教授」是否會出現呢？留待《奇異博士2》五月上映時才有分曉。
更多《奇異博士2》預告精彩畫面
+22