太子高質餃子店Top 4!必食美味餃子店巨型煎餃、餃掂招牌松茸餃

撰文:許慧恩
出版:更新:

近日本港出現第三波肺炎疫情,政府早前宣布收緊多項防疫措施,包括食肆只做朝五晚六堂食,夜晚六點後只能做外賣!疫情嚴峻,買外賣可以避免食客聚集,減少感染風險。太子向來多美食,特別是集齊多間餃子店,《香港01》飲食記者精選5間高質餃子,全部都大件夾抵食,煎餃、湯餃都有,仲有特別餡料,打包返屋企食就更安全!

本港由7月5日起出現第三波疫情,本地感染個案激增,截至7月15日,確診個案累計突破1500宗。政府早前宣布再度收緊防疫措施,食肆夜晚6時後不再供應堂食,只能提供外賣。疫情嚴峻,大家盡量都避免堂食,買外賣返屋企食就最安心!

▼▼▼ 先看衞生防護中心公布高危食肆、大廈、商場名單(最後更新於 2020 年 7 月 15日) ▼▼▼

+37

【1】人手製松茸餃配狀元湯@餃掂手工餃子雲吞專門店

一聽個名咁有霸氣就知好食!餃掂手工餃子有5間分店,主打各款特色口味餃子,招牌松茸豬肉餃,有白松露餃、黑松露餃兩款口味,黑松露比白松露更香氣濃郁,配埋用粉葛、鯪魚、赤小豆等材料熬製的狀元九鼎湯,仲可以強身健體。想知仲有咩特色餃子?按下圖即睇😋😋

餃掂手工餃子雲吞專門店
地址:太子界限街30號地下
電話:3105 9968

【2】老字號人龍店巨型餃子@美味餃子店

這一間是太子老字號,仲係人龍餃子店!美味餃子店的餃子出名大大隻、夠足料,招牌韮菜肉餃外皮厚身、餡料超飽滿,比起外面的餃子幾乎大成倍。煎餃表面金黃色、帶點焦香,湯餃就配野葛菜煲生魚豬骨湯,味道清甜,唔係一般的味精湯咁簡單!加一樣配料就更加惹味,按下圖即睇😋😋

美味餃子店
地址:太子大南街74號地舖
電話:2309 7308

【3】創意口味手工餃子@豐信餃子店

這間餃子店都是人龍小店!人手包的餃子口味多達14款,除了常見的韭菜餃、白菜餃,仲有咖喱餃、麻辣餃、梅菜餃、南瓜餃、芝士餃,最啱鍾意嘗試新事物的人!芝士粟米餃就最有人氣,湯餃配自家熬製椰子海帶豬骨湯,仲可以轉煎餃。配買自家製配料就最正,按下圖即睇😋😋

豐信餃子店
地址:太子汝州街17號地下A號舖
電話:2308 1883

【4】連續5年米芝蓮推介@阿純山東餃子

這間餃子店由2013年開始,連續5年上榜米芝蓮推介,非常厲害!餃子的選擇貴精不貴多,除了常見的韭菜、白菜,仲有北方口味的茴香餃、牛肉餃、京蔥羊肉餃,全部都大大隻。原來仲有好多小食值得試,按下圖即睇😋😋

+1

阿純山東餃子
地址:太子荔枝角道60號地舖
電話:2789 9611

想知更多有助放鬆心情嘅香港好去處,例如離島、沙灘、單車、郊遊路線,click 入專頁睇更多推介!👉👉👉香港好去處|假日郊遊、離島放空、單車路線、食玩打卡|不斷更新

😍😍 同場加映:睇《降魔的》遊金魚街歎美食 太子8大美食推介 必試臭豆腐/芋圓 😍😍

太子一帶美食選擇多,想食街頭小食有,想食創意漢堡又有,想鋸扒都有,任君選擇!記者精選太子一帶8大必試美食,包括「太子名物」流心豬扒包、超人氣的臭豆腐及炸大腸、古早味蛋糕等等。按下圖即睇8大太子美食😍😍

超香脆臭豆腐、炸大腸@美味食店

可能是全香港最好食的臭豆腐!臭豆腐可算是經典街頭美食,不少人都覺得這間臭豆腐好高質,未行過去已經聞到勁大陣香味。臭豆腐味道超香濃,記得一定要加齊全部醬先最好食!網民話一定要加一種醬先好味!按下圖即睇咩醬先正、炸大腸有幾正👇👇👇

想知仲有咩必食美食,立即點擊內文👉👉睇《降魔的》遊金魚街歎美食 太子8大美食推介 必試臭豆腐/芋圓

發表評論...