【婚姻合伙人】首度做女主角有望問鼎視后 高海寧：從來冇諗過
撰文：吳子生
出版：更新：
高海寧（高Ling）昨晚（7/6）現身尖沙咀出席無綫劇集《婚姻合伙人》大結局晚宴。高Ling表演不捨說：「其實無論我收工收得幾夜都好，我都會好堅持咁睇返當日嘅劇集，我唔想錯過每集嘅劇情，我要了解個劇情進展成點，因為行街時，都會有觀眾見到我，問我劇集嘅事，我都要答到佢哋。」對於播出大結局，高Ling坦言唔想套劇集咁快完。
高海寧和楊明昨晚現身出席無綫《婚姻合伙人》大結局晚宴。（葉志明 攝）
在無綫劇集《婚姻合伙》中，首次擔正做女主角的高Ling演技大爆發，成功憑貝競枝一角俘虜萬眾視迷，今年台慶好大機會問鼎視后寶座。高Ling表示：「假如獲選提名固然會好開心，至於奪獎從來都冇諗過呢樣嘢，我覺得遇到一個好角色，自己又可以全程投入，已經好滿足啦，反而我好想同原班人馬再合作拍劇，因為我哋真係合作得好開心。」
高Ling透露還有兩個月可以除牙箍，到時發音會回復正常。（葉志明 攝）
高Ling每晚都會與網民在社交平台互動，除了討論劇集外，還會談天說地，讓網民了解自己更多。（葉志明 攝）
高海寧期待原班人馬再次合作拍劇。（葉志明 攝）