Lokman@MIRROR迎32歲生日獲慈善應援 森美爆搞手係國際公司高層

撰文:葉詩
出版:更新:

本地男團MIRROR隊長Lokman(楊樂文)將於本月26日迎來32歲生日,一眾頭巾兵團(Lokman粉絲名稱)已經準備好一系列的應援活動,除了有必不可少的巴士站廣告及大型戶外屏幕廣告外,還有頭巾兵團準備了「樂文生日慈善應援企劃」,透過義賣飯製周邊如2022年之月曆等,收益將不扣除成本,全數以Lokman名義全數撥捐予香港癌症基金會,盡顯偶像的正能量。日前森美收到這份有意義的禮物,在社交平台寫下與Lokman十幾年前相識的淵源,大讚粉絲應援帶來正面影響。

點擊圖輯睇Lokman生日應援:

+10

森美透露Lokman十幾歲時參加森美小儀歌劇團:「嗰時就已經好有責任感又有領導能力,舞又跳得好,可以幫手帶領其他小演員排舞,所以嗰時已經好欣賞佢;而家佢唔單只成為出色舞者同好演員,仲成為全港最紅嘅偶像組合Leader,所以好容易可理解有咁嘅偶像自會有好粉絲。」森美大讚粉絲應援帶來正面影響:「相信佢嘅粉絲一定能夠喺呢個日歷上感受到偶像嘅正能量,以渡過艱苦每一天。多謝粉絲們送我呢份禮物,等我都感受到Lokman嘅正能量。」

Lokman@MIRROR剪極難Carry Buzz Cut秒變漫撕男 Edan讚:型爆!

+24

森美及後又透露策劃這項應援的人其實是他的大學同學:「佢由Lokman參加比賽時已經不停同我講好鐘意佢、佢做得好好。由嗰時到而家,佢對Lokman嘅support從未間斷,這又是另一個不為人知,純在背後努力的故事:我同學佢而家已經身居要職,喺國際大公司高層,但佢無放棄過對自己熱愛嘅堅持!」所以誰說追星就一定是盲目?偶像帶來的正面影響實是不容小覷,亦正如Lokman在《幫緊你應援團》所說:「原來生命真係可以影響生命!」