正逢六月畢業季，保安局局長鄧炳強深夜再憶往昔，提到加班時見到電視重播劉德華主演的《獵鷹》，勾起無限回憶，當年自己就是因這部劇集「燃點咗我嘅警察夢」。他藉機對畢業生宣傳投身紀律部隊，「成為我哋守護家國嘅一份子」，又附上年青時「出班」相片一張。

《獵鷹》近年被鄧炳強在不同場合多次提起，他每次都表示，是覺得劇集男主角劉德華「有型」而選擇做警察。今日他又在社交平台追憶往昔，「嗰份維護法紀嘅熱血，驅使我畢業後立即投考幫辦，最後夢想成真。」

鄧炳強寄語畢業生，立定志向、堅持夢想、努力不懈，「唔好怕蝕抵，唔好驚失敗，成功嘅路就喺你面前」。他說，若畢業生胸懷大志、心存正義，渴望造福社會，就「更加鼓勵你投身紀律部隊，成為我哋守護家國嘅一份子！」