【復仇者聯盟】概念圖爆雷神隻眼冇好返 原造型好冇霸氣
撰文：陳穎思
出版：更新：
相信影迷都記得《雷神奇俠3：諸神黃昏》（Thor: Ragnarok）中，雷神遭姐姐Hela打盲右眼，接著《復仇者聯盟3：無限之戰》（Avengers: Infinity War）獲浣熊火箭（Rocket）相贈眼珠，讓他可以回復視力。
雷神在《雷神奇俠3：諸神黃昏》中不止失去雷神鎚，更被姐姐𠝹盲右眼。（電影截圖）
但近日有網民公開《復仇者3》的概念圖，原來一開始冇打算畀返隻眼雷神，去到《復仇者聯盟4：終局之戰》（Avengers: Endgame）變「肥Thor」，都要戴住眼罩示人，即時冇晒霸氣。
據悉，呢個造型係早於劇本完成之前設計，而演員基斯咸士禾夫（Chris Hemsworth）就曾經講過，戴住眼罩拍戲成日會跌落嚟好唔方便，可能種種因素加埋最終放棄呢個造型。而有唔少網民認為，戴眼罩嘅雷神都幾有型，如果用得上都會收貨。
呢位網民仲開心Share埋其他概念圖，其中黑寡婦嘅「浪人」（Ronin）版造型有驚喜，唔通當初設定佢同鷹眼一齊喺日本搵食？立即點擊下圖睇睇：
+6