阿媽有咗第二個|姜濤Jer現場偷扮毛舜筠 彭秀慧:佢哋係3角關係

撰文:沈洛嘉
出版:更新:

由彭秀慧(KP)執導,毛舜筠、MIRROR成員姜濤、柳應廷(Jer)主演,岑珈其和小薯茄麗英有份演出的《阿媽有咗第二個》,今日(18/9)進行開鏡儀式。

姜濤和Jer均表示今次拍攝唔辛苦。(周倪瑩 攝)

劇組現時正忙於拍攝,彭秀慧,毛舜筠、姜濤以及Jer柳應廷均有接受傳媒訪問,有問到開工幾日辛唔辛苦時,姜濤和Jer都即時回應唔辛苦,Jer:「劇組、現場環境都好輕鬆、好有愛,導演同毛姐喺演戲上非常有經驗,佢哋好樂意好nice地教我哋好多嘢,的確學到好多嘢,唔係好緊張同大壓力。」姜濤及後補:「相比以前,呢段時間令我自己好集中去做一件事,對我嚟講唔係以前個種辛苦,而係平靜地去拍好多嘢,反而輕鬆咗。」

毛姐表示同兩位年輕人合作好開心。(周倪瑩 攝)

而問到導演彭秀慧有冇副導一下姜濤時,姜濤即時回應:「有,佢用自己的正能量感染晒我哋,每日都好high!」毛舜筠則大讚姜濤和Jer,她:「呢兩位年青人好聰明,好有心學,所以好掂啊!」彭秀慧更笑言毛姐每日開工都好似如沐春風、精神翼翼,仲話毛姐成個人好似後生青春了!

彭秀慧大讚姜濤和Jer的能量好大,兩位私底下都是個小男孩,唔似舞台上的場子。(周倪瑩 攝)

彭秀慧更講到有個場景關於屋企,姜濤和Jer休息都會在此玩,在床上蓋被、睡覺、更有一些小劇場, Jer聽後補充:「好好玩㗎!我哋會睇返毛姐以前啲 片,都係覺得好好笑,毛姐演技係神級,我同姜濤會扮返啲超經典場口,可能食飯扒飯咁,真係好好玩。(毛舜筠:我哋互相偷拍好多片,慢慢出啦!)」姜濤笑指搞到大家各自都唔敢訓覺。

姜濤、Jer和毛姐互相偷拍了很多片段。(周倪瑩 攝)

講起電影戲名時,彭秀慧都表示諗戲名是件很難事,她解釋:「套戲其實係《呀媽有咗第2個》,是套溫情喜劇,故仔有3個主角,經理人媽媽、仔仔同明星,整套戲是個3角關係。我成日都想澄清,之前有好多報導話係花姐嘅故事,真係唔係,毛姐所演繹嘅經理人角色係另一樣嘢嚟,同埋故事有好多虛構、創作成份,背景、成長都同佢哋自己好唔一樣,但會肯定觀眾會搵到屬於佢哋嘅影子。」

Jer一直希望好好裝備自己。(周倪瑩 攝)

最後講到日前MIRROR紅到去日本,Jer:「其實開心多人欣賞我哋作品,變相自己要鼓勵自己更加努力,因為我哋所做的每一個作品都估唔到可以去到幾遠,(彭秀慧:可唔可以帶埋我哋套戲去日本?)希望可以,今次都要做得好,裝備好自己,去到日本就可以多啲人認識、欣賞呢部戲嘅精髓。」姜濤則表示:「其實冇諗咁多,專注做好餓每一部作品就得,總會有人睇到。」

點擊睇更多靚相:

+17