【金宵大廈】林老師就係Final Boss？ 劉江招牌奸笑：你講呢啲！
撰文：林迅景
出版：更新：
《金宵大廈》劇情接近尾聲，大廈內的古怪事件亦都先後發生，Alex更慢慢化成塵埃消失。網上有不少人討論，誰是大樓內所有事的始作俑者，而戲份灌穿整個故事的林老師（劉江 / 張彥博飾）嫌疑就最大。劉江今日出席宣傳活動時，就極力否認自己（即劇中的林若思）就是「Final Boss」，他說：「如果要知結局呢，就要問靚寶啦，因為佢由頭到尾睇過晒。」
現代同舊時的林若思，劉江和張彥博。（葉志明攝）
訪問中他更表示，大家要細心留意劇中出現的細節位。「其實呢，水係有啲關係，無論係Alex又好或者以前都好，都同水有好大關係，就算Alex返嚟，林老師都見唔到佢，淨係見到灘水。」那麼，林老師是否「Final Boss」呢？劉江就反問記者：「Final Boss⋯嗯⋯其實我真係唔係好明。」經解釋是「最終極大壞蛋」後，他就說：「我似大壞蛋咩？哈哈，即係話我啲演技好差，似大壞蛋啫。（越正氣嘅角色越似奸角，好多戲都係咁！）你講呢啲！而家演戲唔係咁㗎啦，哈哈哈。」
現代同舊時的林若思，劉江和張彥博。（葉志明攝）
劉江的演技經常被觀眾大讚，他就說：「我哋成日話，做戲要做得厚啲。」（葉志明攝）