許多人愛吃魚生，但因未經加熱煮熟，因此對食物安全問題更嚴謹。有港女近日於元氣壽司用餐時，發現三文魚壽司的魚生現血點，她拍下影片於網上分享，引來網民熱議，有人笑言「俾蚊咬」、「佢粒暗瘡嚟，唔使幫佢擠，唔係會留疤」，有人就擔心是否不新鮮藏有寄生蟲，隨即引來行內網民認真解答。

該港女於Threads發文問道，「元氣你同我出嚟解釋，點解我舊三文魚入面有血」。影片見到，該片三文魚上有1個小血點。港女其後於留言區補充說，向職員反映後，獲換了1碟新的三文魚壽司。

元氣壽司三文魚現血點

網民留言笑說，「抽完血」、「員工切傷手，要慰問一下」、「想話你聽，每舊魚生切開真係有血有肉」、「我覺得你要幫佢黏膠布」，有人揶揄「叫條三文魚下世記得唔好有血管」。

內行網民：捕撈殺魚時血液滲入肌肉纖維

有網民表示，「其實食得生肉，會驚嗰少少血咩？我建議你食熟嘅好啲」、「魚有血不是很正常嗎？」。其後有內行網民就認真解答，表示「捕撈同殺魚嗰陣，魚嘅微絲血管破裂，血液滲入肌肉纖維，凝固後就會留低深紅色似小斑點物體」。