跟財演炒股慘輸$30萬 入市10次全蝕錢 港男:出年結婚點算?

撰文:卓柏安
出版:更新:

【中概股/美團/騰訊/股災/股王】股票價格可升可跌,不少股民都會聽從所謂專家意見再作投資決定。近日有港男在討論區上發文訴說慘蝕經過,他因跟從財演(財經演員)建議入貨而損失一半身家,金額逾30萬元!樓主透露自己買賣過的股票,當中都是中概股,包括280元買入快手、250元買入百度及1.5元買入中國鐵塔等等,現時則持有已成蟹貨的騰訊及美團,而最令樓主憂心的是,其女友希望明年結婚,不知道屆時持貨能否回本,他不禁崩潰地呻:「有冇人可以畀意見我?」

近期港股大跌,不少股民都損手,更有網民開Po指自己跟從財演建議投資而虧損約30萬元。(GettyImages)

下載「香港01」App ,即睇城中熱話

樓主在香港討論區上發文,指自己上年起開始學習炒股票,「70萬本擺晒落去炒」,一度有10多萬盈利,但年頭至今已經「輸突30萬」,亦即只剩一半身家。他說自己曾根據1位財演建議買入多隻股票,包括「$35明源雲、$32小米、$36吉利、$27呷哺呷哺、$1.5中國鐵塔、$5中石化、$280快手、$250百度」,由於提供建議的財演指明下跌10%就需要止蝕,「以上好多隻我都斬咗,蝕入肉」。

之後樓主因認為「騰訊始終係股王」,加上另1名財演推介美團而考慮該2隻藍籌股,因當時正值股價1年低位,「大減價好吸引」,「瞓晒全副身家落去」,結果共手持6手騰訊均價$600,4手美團均價$350。周一(8月2日)收市騰訊及美團分別報475元及216元,分別蝕約兩成及六成,現虧損約為12.86萬元或約25.7%,而他最初投入的70萬元,現剩下37.14萬元。樓主最後提及女朋友希望明年結婚,「但我啲錢喺晒700(騰訊)同3690(美團)度」,不知道該2隻股票「年尾升唔升得返」,他強調自己需要錢,所以希望網民可以提供意見。

樓主指女友希望明年結婚,但現時持有的股票都變成蟹貨,有周轉困難。(GettyImages)

不少網民都表示,財演建議根本不能盡信,「財演講邊隻你先走去買已經太遲」、「唔好下下信財演,只可當參考,自己做多啲功課」。網民亦都留言安慰樓主,「咪叻仔囉…輸10個Percent已經斬晒,擺到而家輸死你呀」,又指如果樓主真的需要結婚資金就只能考慮蝕賣現有持貨,而且檢討投資策略,甚至考慮向女友坦白,以免隱瞞下去影響感情,「輸錢都算,至怕連個老婆都輸埋呀!」。

睇多啲:連登仔分享投資語錄 股神巴菲特睇完都嚇親?【點擊下圖放大即睇內容 ▼ ▼ ▼】

股市續跌連登仔分享投資語錄 股神巴菲特睇完都嚇親?
+5
請在《香港01》手機App把「熱爆話題」加入自選,緊貼全球各地最hit話題!(01製圖)
香港股民秒懂的23個術語!排隊上IFC做乜?連登契媽點解變阿木?

常用股票術語:詞語篇【點擊下圖放大即睇內容 ▼ ▼ ▼】

+13

常用股票術語:名言篇【點擊下圖放大即睇內容 ▼ ▼ ▼】

+7

常用股票術語:人物篇【點擊下圖放大即睇內容 ▼ ▼ ▼】

+12

同場加映:股民20萬積蓄All in美股曾翻倍 55萬盡買GME勁蝕 哭訴輸淨8萬【點擊下圖放大即睇故事內容▼ ▼ ▼】

股民20萬積蓄All in美股曾翻倍 55萬盡買GME勁蝕 哭訴輸淨8萬

👇👇👇按圖即睇股民由勁賺變勁蝕過程👇👇👇

+15

同場加映:AMC股價|連登仔沽空期權倒欠經紀行逾47萬 嘆無法償還要破產

AMC股價|連登仔沽空期權倒欠經紀行逾47萬 嘆無法償還要破產

樓主帖文引來熱烈討論,有人認同破產,但亦有人認為應該借錢還債【點擊下圖放大閱讀網民留言▼ ▼ ▼】

+5

同場加映:成副身家瞓身買美股 嘆日日陰跌盤前似死亡鐘聲 港男清倉輸年薪【點擊下圖放大即睇內容▼ ▼ ▼】

成副身家瞓身買美股 嘆日日陰跌盤前似死亡鐘聲 港男清倉輸年薪
+12