【政府工】當上公務員就是人生勝利組? 投考政府工前的3個考慮

撰文:vanna.com
出版:更新:

不少 Fresh Grad 應該有思考過「考不考公務員」,到底公務員是政府工定「正苦工」?

公務員「穩定但悶」是鐵一般事實(資料圖片)

1.「鐵飯碗」安全感 VS 花花世界新鮮感

公務員不錯的薪金和穩定工作環境,是換打工仔日復一日「跟足程序」做 Admin、審批及文件工作,「穩定但悶」是鐵一般事實,升職需時較私人工長、轉工轉部門亦不易。若遇到「乞人憎」同事,要做定心理準備「長期抗戰」。

打私人工可接觸不同事物,參觀客戶公司、business lunch、各式會議、年會、networking、出trip...面對的人種類多,工作發展有更多潛力。但私人工好處和壞處都是環境變化無常,有人跳槽加人工、被挖角,有人因公司人事變動被炒,總之安於現狀是打私人工的大忌。

所以政府工私人工,沒有誰比誰好,只看合不合適。

做公務員,想做好份工? NO! 工作來到,公務員第一個問題是「單嘢係咪由我個部門做?」(資料圖片)

2. 低效率低風險 vs 靈活高效高風險

做公務員,想做好份工? NO! 工作來到,公務員第一個問題是「單嘢係咪由我個部門做?」條問題好重要,政府講求職權分明,互相監察,做了不屬部門職權範圍的工作,可大可少。

到件工作真係屬於你,都有「既定程序」要跟,給上司上上司睇完再交給另一個部門跟進,好是較少犯大錯機會,但效率有幾快大家心照。君不見政府派錢,想搞網上申新最少要 18 個月?

打私人工,做法完全不同。工作來到,要問很多問題,死線、目標、涉及部門、上司及管理層的期望、誰才是關鍵決策人......還有更多未知及隨時會浮現的問題。要做出成績,但同時想辦法不得失人,考驗打工仔修為。但打私人工,工作要經手的資源,規模可以非常巨大,完成後亦可放入 CV,有機會做出令人滿意的成績,但成敗後果自負。

論人工,公務員薪酬不錯,但打私人工肯打拼一樣搵到公務員等級或更高的人工。 (Fabian Blank/Unsplash)

3. 人工:賺頭蝕尾 vs 蝕頭賺尾

論人工,公務員薪酬不錯,但打私人工肯打拼一樣搵到公務員等級或更高的人工。

政府工起薪點不錯,中間偏上,但發展一定不及商界,獎金、花紅、業績好大幅加薪,不會發生在公務員身上。但公務員不會面對裁員減薪,過到試用期,如無意外可穩定做到退休,薪金按年資增長,屬蝕頭賺尾;在商界,不少人可能年輕時賺得多,但人到中年要面對被裁員的危機,屬賺頭蝕尾。

做得政府工,預了「難入難出」(資料圖片)

政府工是雙面刃?

做得政府工,預了「難入難出」,入職幾年後跳去私人市場的機會較少,人工好又穩定,但「挨不到悶」、想有更大發展的人就未必適合。入了政府的 AO / EO ,做不了三年就離開的,比比皆是。

如果有意入政府工,只要問自己:「真係甘心?」

▼▼【相關文章.按圖放大率先預覽】▼▼

【行業辛酸】空姐食瞓不定時、會計工時長 6大職業入行前三思!

+9

【本文獲「vanna.com」授權轉載。】