【行運一條龍】周星馳年初四之選 一句「例牌」演出人情味茶餐廳

撰文:
最後更新日期:

連續4個星期都有周星馳的戲睇,都不怕星期日屈在家中會悶。由星爺、吳孟達、陳曉東、楊恭如、舒淇等人主演的《行運一條龍》,除了搞笑之外,其實每每都暗藏着當時的地道香港人情味,那時的香港人少一些計算,多一點無私,街坊街里熟絡得很,鄰居小朋友玩埋一堆,都是常見的日常生活,跟現時天天上演的「中港矛盾」有天淵之別。

講起《行運一條龍》,必然諗起「水哥」還有「年初四咁嘅樣」。(網上圖片)

茶記落單一幕,其實已經大賣香港人情味。(影片截圖)

茶記熟客慣嗌「例牌」
茶餐廳(茶記)的「例水」是是日例湯,以前的茶餐廳多數位置屋邨當中,客人、老闆和伙記朝見口晚見面,見多兩次都會問下點稱呼,由此會變得熟絡。客人最開心是伙記記得自己口味,通常相熟的會問:「例牌?」又或是客人會講:「例牌唔該!」電影開初其實已經大賣這種地道香港人情味,先是因為甜筒輝新來,記不住客人點餐,身為老闆的吳孟達唯有出手,「孖(蛋)撻凍奶茶,火腿通粉行街(外賣),更㗎嘛!」這一句「更㗎嘛」恰到好處,簡簡單單講明了老闆對客人口味的熟悉程度,當然除了人情味也是流住客人的其一好手法。

吳孟達:「唔係招積,呢啲叫性格!」(影片截圖)

其後,到了小芬女出場買早餐同樣夠經典,她:「例牌啊!」吳孟達:「輝仔落單,蛋撻面淋煉奶,蔥花炒蛋治飛邊烘底,三七鴛鴦走糖。」這時,甜筒輝反問:「個令錢生意食得咁招積嘅?」吳孟達回應:「唔係招積,呢啲叫性格,我哋街坊生意最緊要記熟每個街坊嘅口味,唔係點同啲快餐店揮啊!」

開心幫人都唔會有怨言。(影片截圖)

香港精神 樂於助人
其實除了街坊街里之外,那時的香港人較為更願意幫人,即時對方素未謀面,只是個擦身而過的路人甲。但在現今社會上,不少人都會聽過「不要隨便幫人拎紙袋」、「不要隨便借電話俾人」等等,事關有不法之徒會藉此利用他人運毒,又或是以假借電話之名,即場上演大街搶電話。

但在戲中的葛民輝同是「行運茶餐廳」的一員,送一個兩個街口的外賣,卻去了整整1個鐘,但老闆和同事並不是第一時間指責他「蛇王」,而是說了句︰「慌唔係去咗幫人咩,呢個人實在心腸太好」。其後就加插了葛民輝幫人搬傢俱、指揮人泊車、幫雙手已拿滿貨物的搬運工開門,更順便擦亮該店的玻璃門。雖然是有點喜劇的誇張成份,但來到現今世代,願意眼睛離開手中電話,望向前方,留意途人的人確實少之再少,又怎能留意簡單一個行為便可幫到身邊的人呢?

其實好多時,幫人都只係「順手」,但就互利互惠。(影片截圖)

吳孟達為茶記執笠一事顯得憂心忡忡。(影片截圖)

老闆良心 顧及員工
吳孟達作為「行運茶餐廳」的老闆,面對茶餐廳快要被「姣婆四」吳君如收回舖位,茶記要執笠的情況下,他想到的是變賣自己跟陳曉東同住的家,目的只是為了補貼一些遣散費給伙記們,擔心各有家庭的他們一時失業,家裡失去了經濟支柱。但現實之中,未必每每都能遇上良心老闆,現時的打工仔,只求老闆不會諸多刁難,已經要還神謝天謝地,莫講他會關心埋自己的家庭,這種老闆實屬難求!

+15
+15
+15


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。